SportPress.kz Qazaqstan sport jańalyqtary
О́zbekstannyń Tashkent qalasynda bokstan eresekter arasynda ótip jatqan álem chempıonatynda ulttyq quramanyń 54 keli salmaq dárejesindegi bylǵary qolǵap sheberi Mahmud Sabyrhan da fınalǵa shyqty. Ol jartylaı fınalda kýbalyq Iosvanı Veıtıany utty.
Mahmud Sabyrhan – ulttyq quramada senim artylyp otyrǵan boksshynyń biri. Fınalda ol qarsylasyn asa qınalmaı jeńdi.
Fınaldyń birinshi raýndy qazaq boksshynyń ústemdigimen ótti. Boksshymyz shırek fınalda ganalyq Muhammed Amadýdy jeńgendeı, óz stılinde aıqasty. Jekpe-jektiń aldynda da óz stılimde bokstasamyn degen edi. Sol sózinde turdy.
Boksshymyz ekinshi jáne úshinshi raýndty tamasha ótkizdi. Endi fınalda ol Dmıtrıı Dvalı (Reseı) men Oıbek Djýraev (О́zbekstan) jekpe-jeginiń jeńimpazymen kezdesedi.
Eske sala keteıik, О́zbekstanda ótip jatqan álem chempıonatyna Qazaqstan quramasynyń sapynda Sanjar Táshkenbaı (48 kg), Sáken Bıbosynov (51 kg), Mahmud Sabyrhan (54 kg), Serik Temirjanov (57 kg), Talǵat Syrymbetov (60 kg), Sanatáli Tóltaev (63,5 kg), Dýlat Bekbaýov (67 kg), Aslanbek Shymbergenov (71 kg), Nurqanat Raıys (75 kg), Nurbek Oralbaı (80 kg), Saǵyndyq Toǵambaı (86 kg), Aıbek Oralbaı (92 kg), Qamshybek Qońqabaev (+92 kg) bardy.
Osylardyń ishinen jartylaı fınalǵa Sanjar Táshkenbaı (48 kg), Mahmud Sabyrhan (54 kg), Dýlat Bekbaýov (67 kg), Aslanbek Shymbergenov (71 kg) pen Nurbek Oralbaı (80 kg shyqty.
Budan buryn habarlaǵanymyzdaı, álemdik jarystyń kónine eki eselengen mólsherde syıaqy qoıylady. Ol 5,2 mln AQSh dollary somasy bolady. Chempıonatta altyn júldegerler 200 myń dollar alsa, kúmis medal ıegerine 100 myń dollar, qola júldegerge 50 myń dollar mólsherinde qarjy tapsyrylady. Buǵan deıin álem chempıonatynyń osynshama kólemdegi syıaqysy bolǵan emes. 2021 jyly Serbııanyń astanasy – Belgradta ótken álemdik doda ol 2,6 mln AQSh dollary bolǵan edi. Sol kezde altyn júldeniń ıesine 100 myń, kúmis medalıske 50 myń, al qola júldegerge 25 myń dollary tapsyrylǵan.
Bıylǵy chempıonattyń jekpe-jekteri 1 mamyrda bastaldy. Jarystyń 1/32, 1/16 jáne 1/8 irikteý shaıqastary 1-9 mamyr aralyǵynda, shırek fınaldyq urystary 10 mamyrda boldy.
Búgin Tashkenttiń «Hýmo» arenasynda jartylaı fınaldyq saıystar bolyp jatyr. Al erteń jáne arǵy kúni fınaldyq aıqastary bolady.
Qolda bar málimetke qaraǵanda, jartylaı fınalǵa О́zbekstannyń 9 boksshysy shyǵypty. Odan keıin Kýba men Reseıden alty-alty bylǵary qolǵap sheberi jolda alǵan. Al bizdiń eldiń quramasynan bes sportshy ½ fınalǵa shyqty.
Dastan KENJALIN,
ASTANA
View this post on Instagram
