Astanada bokstan burymdylardyń álem chempıonaty ótedi

2024 jyly Astanada áıelder arasynda bokstan álem chempıonaty ótedi. Bul týraly IBA prezıdenti Ýmar Kremlev aıtty, dep habarlady Ulttyq olımpıada komıtetiniń baspasóz qyzmeti.

Men Qazaqstan sııaqty myqty boks sheberleri bar jerde IBA iri týrnıriniń ótetinine qýanyshtymyn. Bul jarys 2016 jyly Astanada ótken, — dedi Ýmar Kremlev Tashkentte ótken Halyqaralyq boks qaýymdastyǵynyń (IBA) dırektorlar keńesinde.

Sondaı-aq ol jarystyń júlde qory eki ese óskenin atap ótti.

Birinshi oryn alatyn boksshyǵa 200 myń dollar beremiz. Jalpy júlde qory – 4,8 mln dollar. Bul somaǵa ulttyq quramanyń bas jattyqtyrýshysyna tıesili 10% kiredi. Men chempıonatty asyǵa kútemin. Kelesi jyly boksshylardy Astanada qarsy alamyz, — dedi IBA prezıdenti.

IBA basshysy álem chempıonatynyń tıisti deńgeıde bolatynyna senim bildirdi.

Dáýren ERBOLAT

ASTANA