Golovkın Qazaqstan quramasyn álem chempıonatyndaǵy jeńisimen quttyqtady

Kásipqoı boksshy Gennadıı Golovkın ulttyq quramany Tashkentte ótken álem chempıonatyndaǵy jetistigimen quttyqtady.

Qazaqstan quramasyn Tashkentte ótken bokstan álem chempıonatyndaǵy tamasha nátıjemen quttyqtaımyz! — dep jazdy Golovkın Instagram-daǵy paraqshasyna.

Eske salaıyq, qazaqstandyq boksshylar 2013 jyly Almatyda ótken álem chempıonatyndaǵy jetistikti qaıtalady. Ol kezde Qazaqstan quramasynyń tórt boksshy chempıon atanǵan edi.

Tashkentte ótken bokstan álem chempıonatynda Qazaqstan komandasy tórt altyn medal enshiledi. Fınalǵa bes qazaq boksshysy shyǵyp, onyń tórteýi jeńiske jetti.

Sanjar Tashkenbaı (48 kelige deıin) jáne Mahmýd Sabyrhan (54 kelige deıin) álem chempıony boldy. Dýlat Bekbaýov (67 kelige deıin) fınalda jeńilip, kúmis medal enshiledi.

Komanda kapıtany Asylanbek Shymbergenov (71 kelige deıin) fınalda ózbek boksshysy Saıdjamshıd Djafarovtan basym túsip, chempıon atandy. 80 keli salmaq dárejesinde óner kórsetken Nurbek Oralbaı fınalda Qytaı qazaǵy Toqtarbek Tańatqanǵa qarsy jekpe-jekte ústem túsip, Qazaqstan qorjynyna tórtinshi altyn medal saldy.

Erkeǵalı BEISENOV,

ASTANA