Nurbek Oralbaı tórtinshi altyn júldeni jeńip aldy (VIDEO)

Tashkentte búgin márege jetken bokstan álem chempıonatynda qazaqstandyq Nurbek Oralbaı 80 kelige deıingi salmaqta álem chempıony atandy. Bul týraly rast.kz habarlady.

Osy joly álem chempıonatynyń fınalynda eki eldiń namysyn qorǵap júrgen eki qazaq jigiti kezdesti. Sharshy alańda bizdiń Nurbekke qytaılyq Tańatqan Toqtarbek qarsylas boldy.

Eki qazaqtyń shaıqasy óte tartysty ótti. Onyń birinshi raýndynda Nurbek 4:1 esebimen basym turdy. Kelesi raýndta 3:2 degen esep tirkeldi. Bárin úshinshi raýnd sheshti. Jalpy esep 4:1 bolyp aıaqtaldy.

Nurbek Tashkent rıngindegi birinshi jekpe-jegin 5 mamyrda oınalǵan 1/16 fınalda ázerbaıjan Mýrad Allahverdıevpen qolǵap túıistirip, ony 5:0 etip utty

Mamyrdyń 9-ynda túrik Kaan Aıkýtsyndy 1/8 fınalda dál sondaı eseppen jeńip shyqty.

Odan keıin 10 mamyrda ótken shırek fınalda Azııanyń 2022 jylǵy chempıony, ıordanııalyq Eshaısh Hýsseın Iashaıshtan 5:0 esebimen basym tústi.

Al 12 mamyr kúni arqan kergen jartylaı fınaldyq shaıqasta Tokıo Olımpıadasanyń qola júldegeri, reseılik Imam Hataevtan ár raýnd saıyn basym túsip otyrdy. Aqyrynda 4:1 degen eseppen fınalǵa joldama alyp shyqty.

Kezekti altyn medal qutty bolsyn, aǵaıyn!

Sonymen, belgili maman Myrzaǵalı Aıtjanov basqarǵan Qazaqstan quramasynyń boksshylary Tashkent tórinde 4 altyn, 1 kúmis medalmen komandalyq eseptep ekinshi oryn aldy. Birinshi orynǵa 5 altyn, 2 kúmis, 2 qola medali bar О́zbekstan terma jamoaty shyqty.

 

View this post on Instagram

 

A post shared by Official page (@qazsport_official)

 

View this post on Instagram

 

A post shared by Kazakhstan Boxing Federation (@boxingkazakhstan)