Mahmud Sabyrhan bokstan álem chempıony atandy (VIDEO)

Tashkentte búgin márege jetip jatqan bokstan álem chempıonatynda qazaqstandyq Mahmýd Sabyrhan 54 kelige deıingi salmaqta álem chempıony atandy. Bul týraly rast.kz habarlady.

Mahmýd fınalda ózbek Oıbek Jýraevpen altyn medal úshin talasty. Shaıqas bastalǵannan bizdiń oǵlan onyń tizginin óziniń qolyna alyp aldy. Únemi shabýyl ústinde bolǵan ol tipti úshinshi raýndta qarsylasyn eki ret nokdaýnǵa jiberdi. Esep – 5:0!

Sóıtip, álemniń 2021 jylǵy kúmis medalin altyn medalǵa almastyrdy.

Bir aıta keterligi, Tashkent rıngine 8 mamyrda birinshi ret shyqqan Mahmýd qatarynan úsh kún sharshy alańnan ketpedi. Ol alǵashqy kúni 1/16 fınaldyq irikteý týrnırinde vengr Ishtvan Zakamen kúsh synasty. Úsh raýndtyń qorytynysy boıynsha bizdiń oǵlan aıqyn basymdyqpen jeńiske jetti.

Mahmýd 9 mamyrda 1/8 fınaldyq jekpe-jekti úndistandyq Sachın Sachınpen ótkizip, ony da 5:0 esebimen tize búktirdi. Al 10 mamyrda ótken shırek fınalda ganalyq Mohammed Amadýmen sondaı eseppen utyp shyqty.

Mamyrdyń 12-sinde oınalǵan jartylaı fınalda kýbalyq Iosvanı Veıtıa Sotomen qolǵap túıistirgen Mahmýd Sabyrhan burynǵy jolynan jańylmaı, ony da aıqyn basymdyqpen jeńdi.

Mahmýd Sabyrhan 2001 jyly 9 qyrkúıekte týǵan. Shymkent qalasynyń ókili. Álemniń 2021 jylǵy chempıonatynyń kúmis júldegeri. Qazaqstannyń 2022 jylǵy chempıony. Azııanyń jastar arasyndaǵy úsh dúrkin (2016, 2018, 2019) chempıony.

Osydan keıin О́zbekstan quramasy sapynda óner kórsetip jatqan qazaq jigiti Rýslan Abdýllaev fınalda mońǵol Chıngzorıg Batarsýhty 5:0 etip jeńip, 63,5 kelige deıingi salmaqta álem chempıony atandy.

Alda bizden Aslanbek Shymbergenov pen Nurbek Oralbaı altyn medal úshin shaıqasady.

 

View this post on Instagram

 

A post shared by Kazakhstan Boxing Federation (@boxingkazakhstan)

 

View this post on Instagram

 

A post shared by Kazakhstan Boxing Federation (@boxingkazakhstan)