Taekvondodan ÁCh: Nurbek Ǵazez qarsylasyn nokdaýnǵa túsirdi (FOTO)

Búgin Ázerbaıjannyń Baký qalasynda ótip jatqan taekvondodan XXVI álem chempıonynyń tórtinshi jarys kúni ótip jatyr. Jarys jolyna ulttyq qurama sapynan Nurbek Ǵazez (63 kg) ben Rakonı Bımyrza (+73 kg) shyqty, dep habarlady Mádenıet jáne sport mınıstrligi Sportty damytý dırekııasynyń baspasóz qyzmeti.

Nurbek Ǵazez brazılııalyq Edýardo Barettany utyp, jekpe-jekti jaqsy bastaǵan edi. Ol qarsylasyna joıqyn soqqylar jasap, nokdaýnǵa túsirdi. Alaıda ekinshi aınalymda qazirgi álem chempıony, Azııa chempıonatynyń kúmis júldegeri, qytaılyq Lıan Iýshýaıdan utylyp qaldy. Olar osyǵan deıin Lommel qalasynda ótken Belgııa ashyq chempıonatynda kezdesken edi. Sol kezde qytaılyq basym túsken. Sondaı-aq Lıan Iýshýaı byltyr qurlyq chempıonatynda taǵy bir otandasymyz Ádilet Bazarbaevty utyp, fınalǵa shyqqan.

Al asa aýyr salmaqtaǵy Rakonı Bımyrza birinshi aınalymda Eýropa chempıony, Gran-prı básekesiniń eki dúrkin jeńimpazy, polshalyq Aleksandra Kovalchýkke qaýqar tanyta alǵan joq. Esep – 0:2.

Erteń daıanǵa shyqatyn taekvondoshylar arasynda qazaqstandyqtardan Rıta Bakısheva (46 kg) men Javohırhon Islamov (54 kg) bar.

Jalpy bıylǵy dodaǵa 145 elden myńǵa tarta taekvondoshy jınaldy. Munda álem chempıony 140 ball alsa, kúmis júlde úshin 84, qola júldege 50 upaı beriledi.

Shamken BAIYRBEK,

ASTANA