Rybakına belgili bir sebeppen «Rolan Garros» týrnırinen shyǵyp qaldy

Búgin tennısshi Elena Rybakına Roland Garros týrnırin jalǵastyra almady. Osyǵan baılansty ol baspasóz máslıhatyn ótkizip, jankúıerlerge mán-jaıdy aıtyp berdi.

Keshe keshke basym aýyryp, jaǵdaıym nasharlap, temperatýram kóterildi. Tańerteń jaqsy bolamyn ba dep edim, biraq qazir de álsizdik bar, temperatýram basylmaı tur, — dedi ol.

Tennısshi basy aýyryp, dene qyzýy kóterilip turǵan soń, kortqa shyǵa almaıtynyn aıtty.

Jattyqtyrýshylarmen aqyldastym. Olar kortqa shyqpaı-aq qoı, tipti shyqpashy dep aıtty. Sony oılap, jarysty aıaqtaý kerek degen sheshimge keldim, — dedi Rybakına.

Eske sala ketsek, Elena Rybakına «Rolan Garros» týrnıriniń úshinshi aınalymynda  álemniń 38-raketkasy, horvatııalyq Petra Martıch nemese dúnıejúzilik reıtıngte 132-orynda turǵan ıspanııalyq Sara Sorrıbes-Tormomen oınaý kerek edi.

Dastan KENJALIN,

ASTANA