Messı mansabyndaǵy eń jyldam goldy saldy (vıdeo)

Qytaıdyń Beıjiń qalasynda Argentına quramasy men Avstralııa komandasy joldastyq kezdesý ótkizdi.

Osy matchta argentınalyq shabýylshy Lıonel Messı kezdesýdiń 1 mınýt 19 sekýndynda goldyń avtory atandy. Osylaısha, ol mansabyndaǵy eń jyldam goldy saldy. Bul gol shabýylshynyń ulttyq quramanyń sapyndaǵy 103-goly boldy.

Match bastalysymen Messı aıyp alańynyń janynda pas alyp, bir qorǵaýshyny aldap, qaqpany dál kózdedi. Al oıynnyń ózi 2:0 esebimen aıaqtaldy. Argentına quramasynda ekinshi dopty 68-mınýtta Pesselıa soqty.

Endi Argentına 19 maýsymda Indonezııamen joldastyq kezdesý ótkizedi.

Buǵan deıin Messı eń jyldam golyn (2 mınýt 7 sekýnd) 2018 jyly Chempıondar lıgasynda «Chelsıge» qarsy oıynda salǵan bolatyn.

Endi Messı matchtyń  birinshi mınýtynda gol salsa, 90 mınýttyń bárinde dop soqqan oıynshy atanady.

Dastan KENJALIN,

ASTANA