Щýchede bıatlonnan álem chempıonaty ótedi

4-12 naýryz kúnderi Щýche qalasynda bıatlonnan jasóspirimder men jastar arasynda álem chempıonaty ótedi. Osyǵan baılanysty Mádenıet jáne sport mınıstri Ashat Oralov pen Halyqaralyq bıatlonshylar odaǵynyń (IBU) prezıdenti Olle Dalın kezdesip, chempıonatty ótkizýdi talqylady.

Kezdesýde mınıstr sheteldik qonaqqa elimizge kórsetken senimi úshin alǵys aıtty.

Álem chempıonatynyń jaqsy bolatynyna kúmánim joq. Ol úshin bizde barlyq jaǵdaı jasalǵan. Zamanaýı sport ınfraqurylymy bar. Álem chempıonaty — elimizdiń sporty úshin mańyzdy oqıǵa. Mundaı is-shara Qazaqstanda alǵash ret ótip otyr, — dedi Ashat Oralov.

Halyqaralyq bıatlonshylar odaǵynyń (IBU) prezıdenti mınıstrge bıatlondy tanymal etý tájirıbesin aıtty. Sondaı-aq ol Tekeli qalasynda jańa shańǵy — bıatlon keshenin salý máselesinde keńes berip, qoldaý kórsetýge daıyn ekenin eskertti.

Álem chempıonatyna 38 elden 500 sportshy qatysady. Olardyń arasynda Shveııa, AQSh, Ońtústik Koreıa, Franııa, Germanııa, Norvegııa, Avstrııa, Kanada, Shveıarııa, Japonııa men basqa da elderdiń bıatlonshylary bar.

Keshe keshkisin Býrabaı óńirinde jetkinshekter men jasóspirimder arasynda bıatlonnan álem chempıonatynyń ashylýy ótti

Oǵan Mádenıet jáne sport vıe-mınıstri Sársen Quranbek, Sport jáne dene shynyqtyrý isteri komıtetiniń tóraǵasy Erbol Myrzabosynov, Sportty damytý dırekııasynyń dırektory Oralbaı Jaqsymbetov, Aqmola oblysynyń ákimi Ermek Marjyqpaev pen Halyqaralyq bıatlonshylar odaǵynyń (IBU) jańa prezıdenti Olle Dalın qatysty.

Álemdik dodanyń ashylý saltanatynda alǵashqy bolyp sóz sóılegen Sársen Quranbek jarys jolyna shyqqan jas sportshylarǵa sáttilik tiledi.

Jarystyń tolyq kestesi mynadaı:

4 naýryz — aralas estafeta ( jetkinshekter, jasóspirimder), 5 naýryz — jekeleı syn (jasóspirimder), 6 naýryz — jekeleı syn (jetkinshekter), 7 naýryz — estafeta (jasóspirimder), 8 naýryz — (jetkinshekter), 9 naýryz — resmı jattyǵýlar ( jetkinshekter, jasóspirimder), 10 naýryz — sprınt (jasóspirimder), 11 naýryz — sprınt (jetkinshekter), 12 naýryz — iz qýalaý jarysy (jetkinshekter, jasóspirimder).

Dastan KENJALIN,

ASTANA