Tarıhı sát! Rızabek Aıtmuhan – erkin kúresten álem chempıony atanǵan tuńǵysh qazaq palýany! (FOTO, VIDEO)

Sanaýly sát buryn erkin kúresten ulttyq qurama komandanyń sportshysy Rızabek Aıtmuhan Serbııanyń astanasy — Belgradta ótip jatqan kúresten álem chempıonatynda top jardy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Erkin kúresten 92 kg deıingi salmaqtyń fınalynda Rızabek əzerbaıjandyq Osman Nýrmagomedovpen kúsh synasyp, sońǵy sekýndtarda jeńiske jetti. Esep — 5:2.

Osylaısha, ol elimiz egemendik alǵannan beri álem chempıonatynda erkin kúresten altyn medal alǵan tuńǵysh ári eń jas qazaqstandyq palýan atandy. Osy ýaqytqa deıin ulttyq qurama 17 júldeni ıelengen. Onyń beseýi kúmis, 12-si qola medal.

Quttyqtap jatqan qazaq eline raqmet! Álem chempıony ataný úshin 9 jyl eńbek ettim. Eńbegim aqtaldy. Bul meniń 92 keli salmaqtaǵy sońǵy jarysymnyń biri. Kelesi básekeden bastap Olımpıada baǵdarlamasyna kiretin 97 kg deıingi salmaqqa aýysamyn. Endigi maqsatym – Olımpııalyq oıyndarda medal alý ,-dedi 19 jastaǵy atlet fınaldan keıin Sportty damytý dırekııasynyń baspasóz qyzmetine bergen suhbatynda.

Aıta keteıik, keshe Rızabek básekeni ekinshi aınalymnan bastap, majarstandyq Balash Iýhash pen túrkııalyq Feızýlla Aqtúrikti taza utqan. Sosyn, osy salmaqtaǵy qazirgi álemdik reıtıngtiń kóshbasshysy grýzııalyq Mırıanı Maısýrazdeni qapy qaldyrdy.

Rızabek Aıtmuhan bıyl ózi qatysqan barlyq jarysta jeńis tuǵyryna kóterildi. Atap aıtar bolsaq, jyldyń basynda Almatyda ótken kúresten Qazaqstannyń VI jazǵy Spartakıadasynda eshkimge des bermeı, ulttyq qurama sapyn tolyqtyrdy. Osydan keıin kóktemde Astanada ótken eresekter arasyndaǵy Azııa chempıonatynda, sondaı-aq, Amman qalasynda ótken jastar arasyndaǵy álem chempıonatynda kúmis medal jeńip aldy.

Búgin kúlli elimiz úshin qýanyshty kún. Rızabek Qazaqstanǵa osyǵan deıin erkin kúresten buıyrmaı kele jatqan álem chempıonatynyń altyn medalin jeńip aldy. Rızabek osy arqyly bizdiń barlyq jankúıerdi rıza qyldy. Seniń alar asýlaryń áli alda degen senimdemin, — dedi Qazaqstan grek-rım, erkin jáne áıelder kúresi federaııasynyń prezıdenti Dáýlet Turlyhanov.

Qazir Madııar Quramysov jattyqtyratyn erkin kúresten Qazaqstan quramasynyń qorjynynda Belgradtaǵy básekeniń eki júldesi bar.

Keshe Azamat Dáýletbekov (86 kg) qola medalmen birge Parıj Olımpıadasynyń joldamasyna ıelik etken. Búgin qola medal jolynda Azamat Qartbaı (57 kg) men Bolat Saqaev (79 kg) qarsylasyna ese jiberdi. Aıta keteıik, 92 kg deıingi salmaq Olımpıada baǵdarlamasyna kirmeıdi.

 

Shamken BAIYRBEK,

ASTANA

FOTO: Týrızm jáne sport mınıstrligi Sportty damytý dırekııasy

 

 

View this post on Instagram

 

A post shared by House of olympic sports of Kazakhstan (@qaz_olympics)

 

View this post on Instagram

 

A post shared by SPORTS.KZ (@kzsports)

 

View this post on Instagram

 

A post shared by SPORTS.KZ (@kzsports)