ازيادادا قازاقستاننىڭ شۇعىل شتابى قۇرىلادى

تۋريزم جانە سپورت ءمينيسترى ەرمەك مارجىقپاەۆ ازيا ويىندارىنا قاتىساتىن قازاقستان قۇراماسىنىڭ جاتتىقتىرۋشىلار شتابىمەن كەزدەستى. مينيستر جارىس الدىنداعى سوڭعى وقۋ-جاتتىعۋ جيىندارىنىڭ قورىتىندىسىمەن تانىسىپ، سپورتشىلاردىڭ جالپى دايىندىعى تۋرالى سۇراستىردى.

تۋريزم جانە سپورت مينيسترلىگىنىڭ حابارلاۋىنشا، قۇراما جاتتىقتىرۋشىلارى سپورتشىلار جاراقاتتان امان، فيزيكالىق دايىندىقتارى مىعىم جانە تەك جوعارى سىنامالى جۇلدە الۋعا نيەتتى ەكەندىكتەرىن ايتتى. سونداي-اق الماتى وبلىسىنداعى رەسپۋبليكالىق وليمپيادالىق دايارلىق بازاسى ءۇشىن العىس ايتتى.

الداعى باستى دودا — ازيا ويىندارى وتە ماڭىزدى جارىس. جاقسى ناتيجە كورسەتىپ، ەل ءۇمىتىن، جانكۇيەرلەردىڭ سەنىمىن اقتاۋ قاجەت. سونداي-اق قۇرلىق بىرىنشىلىگىندە سپورتتىڭ 8 تۇرىنەن وليمپيادا ليتسەنزيالارى ساراپقا سالىندى. سىزدەر اۋقىمدى جۇمىس جاسادىڭىزدار. ەندى جۇلدە الىپ، توگىلگەن تەر مەن ۇلكەن ەڭبەكتىڭ جەمىسىن كورۋگە تىلەكتەسپىن. وسى جارىسقا دايىندالۋ ءۇشىن مينيسترلىك تاراپىنان بارلىق جاعداي جاسالدى. ازيادا بارىسىندا دا تاۋلىگىنە 24 ساعات قولداۋ كورسەتەتىن بولامىز. قانداي دا ءبىر سۇراقتار تۋىنداعان جاعدايدا شۇعىل ارەكەت ەتۋ ءۇشىن ارنايى شتاب جۇمىس ىستەيتىن بولادى،- دەدى ەرمەك مارجىقپاەۆ.

تۋريزم جانە سپورت ءمينيسترىنىڭ جاتتىقتىرۋشىلارمەن كەزدەسكەن ەسپۋبليكالىق وليمپيادالىق دايارلىق بازاسى تمد-داعى ەڭ ءىرى سپورت كەشەندەرىنىڭ ءبىرى سانالادى. مۇندا حالىقارالىق ستاندارتتارعا سايكەس، سپورتتىڭ 23 ءتۇرى بويىنشا وليمپيادالىق رەزەرۆ پەن ۇلتتىق قۇراما كوماندالار دايىندالادى.

تۋريزم جانە سپورت مينيسترلىگى

فوتو: تۋريزم جانە سپورت مينيسترلىگى