Astana ákimi Jámıla Baqbergenovaǵa páter kiltin tapsyrdy

Astana qalasynyń ákimi Jeńis Qasymbek XIX Jazǵy Azııa oıyndarynyń chempıondarymen kezdesip, syılyq tartý etti.

Jaqynda Qytaıdyń Hanchjoý qalasynda ótken Azıadada Qazaqstan ulttyq qurama komandasynyń sapyndaǵy Astananyń sportshylary 10 medal jeńip aldy. Olar el qorjynyna 1 altyn, 3 kúmis jáne 6 qola júlde saldy. Osyǵan baılanysty Astana qalasynyń ákimi Azıadanyń qurmet tuǵyrynan kóringen sportshylarmen kezdesip, jeke quttyqtady. Osy jerde qala basshysy Azııa oıyndarynda áıelder kúresinen kúmis júldeger atanǵan Jámıla Baqbergenovaǵa 1 mln teńge niń sertıfıkaty men Astanadan bir bólmeli páter kiltin tabys etti.

Sportshylarymyz qaısarlyǵynyń, tabandylyǵynyń arqasynda jaqsy nátıje kórsetti. Árbir medal toqtaýsyz jattyǵýlar, jeńiske degen jigerdiń, otbasynyń, jankúıerler men jattyqtyrýshylardyń qoldaýynyń arqasynda keldi.

Sizder – elordamyzdyń ǵana emes, búkil elimizdiń maqtanyshysyzdar. Jeńisterińizben shyn júrekten quttyqtaımyn! Sizderdi alda áli talaı jarys kútip tur. Eń bastysy Parıjde ótetin Olımpıada bar. Biz sport komandalarymyzdyń básekege qabiletin arttyrý úshin keshendi jumys júrgizýimiz kerek, — dedi Qasymbek.

Sonymen qatar kezdesýde sport nysandaryn daıyndaý, jabdyqtaý, sportshylar men jattyqtyrýshylardy yntalandyrý máseleleri talqylandy.

Dastan KENJALIN,

ASTANA

FOTO: Astana qalasynyń ákimdigi