Talant talantty tanıdy

Búgin sport janashyry, meenat, «Qurmetti sport qyzmetkeri» tósbelgisiniń ıegeri Rústem Ábdikárimuly Muqatov qazaq sportyna bir kisideı eńbek etip kele jatqan bilikti maman, «Eren eńbegi úshin» medaliniń ıegeri, Qazaqstan Respýblıkasyna eńbek sińirgen jattyqtyrýshy Serik Muratuly Jumashevti erdiń jasy elý jasymen quttyqtady.

«Jaqsynyń jaqsylyǵyn aıt, nury tasysyn», deıdi qazaqta. Ult janashyry Rústem Ábdikárimuly kóptegen shákirt tárbıelegen jattyqtyrýshyǵa zor densaýlyq, qyzmeti men sporttyq karerasyna tabys, eńbegine jemis tiledi.

«Serik Muratuly – myqty maman. Ol Taldyapan degen kishkene ǵana aýylda týyp-ósip, sport arqyly álemge tanymal boldy. Grek-rım kúresinen ulttyq qurama komandanyń aǵa jattyqtyrýshysy kezinde kóptegen shákirt tárbıeledi. Men týǵan kún ıesin erdiń jasy elý jasymen quttyqtap, myqty densaýlyq, otbasyna bar jaqsylyq, qyzmetine tabys tileı otyryp, mamannyń áli elimizge bereri kóp bolsyn degim keledi», — dedi kásipker.

Dastan KENJALIN,

ASTANA