SportPress.kz Qazaqstan sport jańalyqtary
Qazaqstannyń 16 jasqa deıingi tennısshiler arasyndaǵy qyzdar quramasy Ispanııanyń Kordova qalasynda ótken Billie Jean King Juniors Finals týrnıriniń qorytyndysy boıynsha úzdik ondyqqa kirdi, dep habarlady Qazaqstan tennıs federaııasy.
Bul 16 jasqa deıingiler arasyndaǵy qyzdar úshin alǵashqy komandalyq álem chempıonaty boldy.
Qurama komanda aldymen V tobynda úshinshi orynǵa ıe boldy. Qurama birinshi oıynda Argentına komandasyn 2:1 esebimen jeńgenimen, Brazılııa men Ulybrıtanııaǵa jol berdi.
Qosymsha jarysta Qazaqstan quramasy Aljır jasaǵyn 3:0 esebimen jeńip, Kolýmbııa men Latvııadan da 2:1 esebimen basym tústi.
Osylaısha, Marat Sháripovtiń qaramaǵynda jattyǵatyn tennıisshiler álemniń úzdik 16 komandasynyń arasynan toǵyzynshy orynǵa taban tiredi.
Álem chempıonatynda el namysyn Polına Slepova, Anastasııa Krymkova men Ińkár Dúısebaı qorǵady. Al Marat Sháripov jarysqa komanda kapıtany bolyp bardy.
