SportPress.kz Qazaqstan sport jańalyqtary
Astanada bokstan ótip jatqan VI jazǵy Spartakıadada Qazaqstan chempıony Sanatáli Tóltaev pen Vasılıı Samchýk kútpegen jerden qarsylasynan jeńilip qaldy, dep habarlady Qazaqstan boks federaııasy.
Ol 63,5 keli salmaq dárejesinde ótken 1/8 fınalda Jandos Qydyrálıevten 0:5 esebimen ese jiberdi. Jekpe-jekte úsh raýnd qorytyndysy boıynsha tóreshilerdiń bári biraýyzdan jeńisti Qydyrálıevke berdi.
Sanatáli Tóltaev Qazaqstan quramasy sapynda sońǵy eki álem chempıonatyna qatysqan. Ol 2021 jyly Serbııanyń Belgrad jáne 2023 jyly О́zbekstannyń Tashkent qalasynda bokstasqan.
63,5 kg salmaqta favorıt sanalǵan Vasılıı Samchýk te shırek fınalǵa shyǵa almady. Ol Aıtjan Áshirhannan 3;4 esebimen jeńilip qaldy.
Osy salmaqta jáne basqa da salmaqtaǵy boksshylardyń 1/8 fınaldaǵy jekpe-jekteri mynadaı eseppen aıaqtaldy.
Asyljan Ǵalymjanuly (Atyraý oblysy) — Álı Rahymjan (Aqmola oblysy) — 0:5
Serik Temirjanov (Pavlodar oblysy) — Almas Dúısenqul (Jambyl oblysy) — 5:0
57 kelide álem chempıonatynyń kúmis júldegeri Serik Temirjanov jańa salmaqtaǵy birinshi kezdesýinde aıtarlyqtaı qarsylyqqa tap bolmady.
Erasyl Tańqaı (Almaty oblysy) — Qanat О́zbekbaev (Aqtóbe oblysy) — Erasyl 2-raýndta jeńdi.
Nurlybek Ýsmanov (Ulytaý oblysy) — Danııar Qaýyshqan (Qyzylorda oblysy) — 2:3
Beknur Ojanov (Abaı oblysy) — Sultan Sharıpov (BQO) — 5:0
Nurjan Maqashbaev (Jetisý oblysy) — Muhammedsabyr Bazarbaı ýýly (Túrkistan oblysy) — 0:5
Osy salmaqta jarqyn boks úlgisin kórsetetin Muhammedsabyrdyń búgingi aıqasy da kórermenderdiń kóńilinen shyqty. Ol jekpe-jekte 3 márte qarsylasyn nokdaýnǵa jiberdi.
67 kg
Dýlat Bekbaýov (Jambyl oblysy) — Dastan Beken (Almaty q.) — 5:0
Jandyr Sultanǵalıev (BQO) — Sultan Sádýaqasov (Qyzylorda oblysy) — 5:0
Bekbolat Quramysov (Atyraý oblysy) — Aıdar Saılaýbekov (Abaı oblysy) — 5:0
Elnur Súıinbaı (Qostanaı oblysy) — Álisher Ábdýálim (Ulytaý oblysy) — 5:0
Nurqadam Ábdesh (Astana q.) — Nurlybek Úzenbaev (Shymkent q.) — 5:0
Bahtııar Smaǵulov (Pavlodar oblysy) — Qanat Qamzanov (ShQO) — 5:0
Rahat Seıitjan (Mańǵystaý oblysy) — Mıras Ertanov (Almaty oblysy) — 4:1
Aıbek Tólegenov (Aqmola oblysy) — Temirhan Tezek (Túrkistan oblysy) — 1:4
51 kelide álem chempıony Sáken Bıbosynov shırek fınalda 20 jastaǵy Pavlodar boksshysy Ǵabbas Dıýsekenovpen judyryqtasady.
51 kg salmaqta álem chempıony Sanjar Táshkenbaı byltyrǵy Qazaqstan chempıonatynyń fınalısi (54 keli) Bekzat Aldamjarovpen jolyǵady.
57 kg salmaqta álem chempıony Mahmud Sabyrhan alǵashqy jekpe-jegin byltyrǵy Qazaqstan chempıonatynyń qola júldegeri (60 keli) Dýlat Turlybekulymen ótkizedi.
Ekinshi jarys kúninde kútpegen nátıje retinde 60 keli salmaqta Qazaqstan chempıony Ádilet Qurmetov Shoqyr Bóltekuly týrnıriniń jeńimpazy, 19 jastaǵy Almat Ábdýalıge ese jiberdi.
Al 71 keli salmaqta 2021 jylǵy Qazaqstan chempıonatynyń kúmis júldegeri Qýan Qýatov 2 jyl qatarynan el chempıonatynyń qola júldegeri bolǵan Farýh Toqtasynovqa jol berdi.
Jalpy favorıtterdiń qatarynan sanalǵan Erbolat Sabyr (57 keli), Asyljan Serikbaı (57 keli), Talǵat Syrymbetov (60 keli), Darhan Dúısenbaı, Talǵat Shaıken shırek fınalǵa shyqty.
View this post on Instagram
