SportPress.kz قازاقستان سپورت جاڭالىقتارى
فۋتبولدان 2024 جىلعى ەۋروپا چەمپيوناتىنىڭ جەرەبەسى تارتىلدى. بۇل چەمپيونات 2024 جىلدىڭ 14 ماۋسىمى مەن 14 شىلدەسى ارالىعىندا گەرمانيادا وتەدى.
جەرەبە تارتۋ راسىمىندە بەلگىلى بولعانداي، قۇرلىقتىق دودا 14 ماۋسىمدا گەرمانيا مەن شوتلانديا ماتچىمەن اشىلادى. ودان باسقا، راسىمدە ۇلتتىق قۇرامالاردىڭ قاي توپقا تۇسكەنى انىقتالدى. ءبىر اتاپ وتەتىن جايت، ەۋروپا چەمپيوناتىنا ۇلتتار ليگاسى ارقىلى شىعاتىن كوماندالاردىڭ دا توپتارى بەلگىلى بولدى. بۇل كوماندالار تومەندە جاقشادا كورسەتىلگەن.
ا توبى: گەرمانيا، شوتلانديا، ۆەنگريا، شۆەيتساريا.
B توبى: يسپانيا، حورۆاتيا، يتاليا، البانيا.
س توبى: سلوۆەنيا، دانيا، سەربيا، انگليا.
D توبى: ۇلتتار ليگاسىنداعى ا توبىنىڭ جەڭىمپازى (پولشا، ەستونيا، ۋەلس، فينليانديا)، نيدەرلاند، اۆستريا، فرانتسيا.
E توبى: بەلگيا، سلوۆاكيا، رۋمىنيا، ۇلتتار ليگاسىنداعى B توبىنىڭ جەڭىمپازى (يزرايل، يسلانديا، بوسنيا جانە گەرتسەگوۆينا، ۋكراينا).
F توبى: پورتۋگاليا، ۇلتتار ليگاسىنداعى س توبىنىڭ جەڭىمپازى (گرۋزيا، ليۋكسەمبۋرگ، قازاقستان، گرەكيا)، تۇركيا، چەحيا.
بىلتىر ۇلتتار ليگاسى س ليگاسىندا ءوز توبىندا ءبىرىنشى ورىن العان ۇلتتىق قۇراما ءتۋرنيردىڭ پلەي-وفف جۇيەسى بويىنشا ەۋروپا چەمپيوناتىنىڭ جولداماسىن ساراپقا سالۋعا مۇمكىندىك الدى.
ەندى ەلىمىزدىڭ باس كومانداسى 2024 جىلدىڭ 21 ناۋرىزىندا س توبى بويىنشا جارتىلاي فينالدا گرەكيامەن وينايدى. جەڭگەن جاعدايدا فينالدا گرۋزيا نەمەسە ليۋكسەمبۋرگ قۇراماسىمەن قۇرلىقتىق دوداعا بەرىلەتىن جالعىز جولدامانى ساراپقا سالادى.
ەۋروپا چەمپيوناتىنىڭ جولداماسىنا ەل قۇراماسىمەن بىرگە 18 ۇپايمەن ءۇشىنشى ورىندى بولىسكەن فينليانديادا دا تالاساتىن بولادى.
قۇرلىقتىق دودانىڭ جالاۋى گفر-دىڭ بەرلين، دورتمۋند، ديۋسسەلدورف، فرانكفۋرت-نا-ماينە، گەلزەنكيرحەن، گامبۋرگ، كەلن، لەيپتسيگ، ميۋنحەن، شتۋتگارت قالالارىندا جەلبىرەيدى.
داستان كەنجالين،
استانا
