الماتىدا باق وكىلدەرىنە ەكولوگيالىق جۋرناليستيكا بويىنشا كۋرس ءوتتى

ءال-فارابي اتىنداعى قازاق ۇلتتىق ۋنيۆەرستيتەتىنىڭ 90 جىلدىق مەرەيتويىنا وراي «قازاقستانداعى ەكوجۇيەنى ساقتاۋ جانە قالپىنا كەلتىرۋ: ماسس-مەديا مەن الەۋمەتتىك جەلىلەردىڭ ىقپالى» اتتى ءىىى جۋرناليستەرگە ارنالعان ەكولوگيالىق جۋرناليستيكاعا ارنالعان بىلىكتىلىكتى ارتتىرۋ كۋرسى ءوز جۇمىسىن اياقتادى.  ءىس-شارا مادەنيەت جانە اقپارات مينيسترلىگىنىڭ باستاماسىمەن ۇيىمداستىرىلدى. 

بيىل ءۇشىنشى رەت ءوتىپ وتىرعان ءىس-شاراعا باق وكىلدەرى، جۋرناليستەر، مەديا ماماندارى، ۇكىمەتتىك ەمەس ۇيىم وكىلدەرى، جۋرناليستيكا فاكۋلتەتىنىڭ ستۋدەنتتەرى، ماگيسترانتاتتارى مەن PhD دوكتورانتتارى قاتىستى.

ءىس-شارادا  كليماتتىڭ وزگەرۋىمەن كۇرەسۋدەگى مەديا قۇرالدارىنىڭ قىزمەتى، ەكولوگيالىق پروبلەمالاردى شەشۋدەگى الەۋمەتتىك مەديانىڭ ىقپالى جانە تۇراقتى دامۋ ماقساتىندا ەكولوگيالىق سەرىكتەستىكتىڭ قازاقستاننىڭ كومىرتەگى بەيتاراپتىعىنا قول جەتكىزۋدەگى حالىقارالىق مىندەتتەمەلەر تالقىلاندى.

جيىندى جۋرناليستيكا فاكۋلتەتىنىڭ دەكانى تەمىرعالي كوپباەۆ اشىپ، سەمينارعا قاتىسۋشىلارعا باق-تاعى ءجيى كوتەرىلىپ جۇرگەن ەكولوگيالىق پروبلەمالار ءوز ناتيجەسىن بەرەتىن بولادى دەگەن سەنىمىن ءبىلدىردى. ول ءوز سوزىندە باق جانە الەۋمەتتىك مەديانىڭ ەلىمىزدىڭ ەكولوگيالىق ماسەلەلەرىن كوتەرۋ ارقىلى قوعامنىڭ نازارىن اۋدارۋعا جاڭا ءبىلىم مەن اقپاراتتىق داعدى جيناۋدىڭ ماڭىزدى. ءۇش جىل قاتارىنان رەسپۋبليكالىق ءباسپاسوز، اقپاراتتىق سايتتار مەن تەلەارنالاردا ەكولوگيالىق پروبلەمالارعا ارنالعان ماقالالار، سيۋجەتتەر جاريالاپ، قولداۋ بىلدىرگەن  باق وكىلدەرىنە العىس ايتتى.

كۋرستىڭ اشىلۋىندا بۇۇ اقپارات بيۋروسىنىڭ باسشىسى – بۇۇ جاھاندىق كوممۋنيكاتسيا  دەپارتامەنتى وكىلى ۆلاستيميل سامەك ءسوز الدى:

قۇرمەتتى ۋنيۆەرسيتەت ستۋدەنتتەرى، وقىتۋشىلارى مەن باسشىلارى! سىزدەردى قازاق ۇلتتىق ۋنيۆەرسيتەتىنىڭ 90 جىلدىعىمەن قۇتتىقتاۋعا رۇقسات ەتىڭىزدەر! بۇگىن بۇگىنگى ءىس-شارا بۇۇ كۇنتىزبەسى بويىنشا حالىقارالىق ءبىلىم كۇنىمەن سايكەس كەلىپ وتىر. راسىندا دا، ءبىلىم بەرۋدىڭ بەيبىتشىلىك پەن دامۋعا قول جەتكىزۋدەگى ءرولى زور. ءبىز ءۇشىنشى جىل بويى قازاقستاندا ەكوجۇيەنى تۇراقتى دامۋ ماقساتىنا قاراي ساقتاۋ جانە قالپىنا كەلتىرۋ تاقىرىبىن تالقىلاپ كەلەمىز. ويتكەنى، ەكولوگيانى ساقتاۋ تاقىرىبى ەڭ ماڭىزدى تاقىرىپتاردىڭ ءبىرى. ءبىز كۇن سايىن اينالامىزدا ەكولوگيالىق ماسەلەلەرمەن بەتپە-بەت ۇشىراسامىز. بۇل بۇكىل ادامزات ءۇشىن قاۋىپ توندىرەتىن جاھاندىق ماسەلە.  ەڭ الدىمەن، ءبىز حالىقتى بۇقارالىق اقپارات قۇرالدارىندا جانە الەۋمەتتىك جەلىلەردە ءوڭىردىڭ ەكولوگياسىن ساقتاۋ ماسەلەلەرى تۋرالى حاباردار ەتۋگە ءتيىسپىز. ەكولوگيالىق ويلاۋدى قالىپتاستىرۋدا ۋنيۆەرسيتەتتەر ەرەكشە ورىن الادى. ەكولوگيا مەن قورشاعان ورتاعا دۇرىس كوزقاراستى قالىپتاستىرۋ ءۇشىن دەرەكتەردىڭ سەنىمدى بولۋى جانە رەسمي دەرەكتەرگە نەگىزدەلۋى قاجەت، — دەدى بۇۇ وكىلى.

2021 جىلدان بەرى جۋرناليستكيا فاكۋلتەتىنىڭ ءباسپاسوز جانە ەلەكتروندى باق جانە گەوگرافيا جانە تابيعاتتى پايدالانۋ فاكۋلتەتىنىڭ تۇراقتى دامۋ بويىنشا يۋنەسكو كافەدرلارىنىڭ ۇيىمداستىرۋمەن 100-گە جۋىق باق ماماندارى ەكولوگيالىق سالادا ماماندانعان جۋرناليستەرگە ارنالعان دارىستەردى تىڭداپ، ەكولوگيالىق بىلىمدەرىن ارتتىردى.

سونداي-اق، جۋرناليستەر جاھاندىق كليماتتىڭ وزگەرۋى جانە جەرگىلىكتى ەكولوگيالىق پروبلەمالاردى زەرتتەۋدە زەرتحانالىق سىنامالار الۋدىڭ ادىستەرىن ۇيرەندى.

شارا بارىسىندا «قازاقستانداعى ەكولوگيالىق جانە كليماتتىق وزگەرىستەر» اتتى كىتاپتار، ءباسپاسوز  جانە فوتو كورمە ۇيىمداستىرىلادى.

گۇلميرا سۇلتانباەۆا،

الماتى