UFC: Azat Maqsum jeńilistiń sebebin aıtty (VIDEO)

Qazaq jekpe-jek sheberi Azat Maqsum UFC Fight Night 235 týrnırinde eń jeńil salmaqta amerıkalyq Charlz Djonsonnan jeńilip qaldy. Ol úsh raýnd qorytyndysy boıynsha tóreshilerdiń ortaq sheshimimen ese jiberdi.

Azat Maqsum jeńilisin tolyq moıyndap, jurtshylyqtan keshirim surady.

Qazaq eli, búgingi keshte úmitterińizdi aqtaı almaǵanyma keshirim suraımyn. О́zimdi tolyqtaı kórsete almadym. Bul jeńilisten sabaq alyp, kelesi jekpe-jekte jeńýge bar kúshimdi salamyn, — dedi ol.

Onyń keshirim sózi Instagram-da shyqty.

Azat Maqsum buǵan deıin UFC-gi alǵashqy jekpe-jeginde amerıkalyq Taıson Nemdi jeńgen edi.

Osy jeńilisten keıin faıterdiń qansha tabys tapqany belgili boldy. Ol jeǵńilse de qomaqty aqsha tapty.

The Sports Grail-nyń habarlaýynsha, 28 jastaǵy otandasymyz ekinshi jekpe-jekten 66 myń AQSh dolaryn alady. 50 myń dollar syı retinde berilse, 16 myń dollar oktagonǵa shyqqany úshin beriledi. Onyń 12 myń dollary gonorar bolsa, 4 myń dollar demeýshilerdiń bergen syıaqysy.

Charlz Djonson da 50 myń dollar alady. Odan basqa da faıterge syıaqy retinde qomaqty aqsha tapsyrylady.

2022 jyldyń qarasha aıynda Charlz Djonson Jalǵas Jumaǵulovty da jeńgen bolatyn.

Dastan KENJALIN,

ASTANA