قازاقستان جانكۇيەرلەرى تۇركيادا ەلدىڭ كوزىنشە ءبىر-بىرىمەن توبەلەستى (ۆيدەو)

قازاقستان جانكۇيەرلەر تۇركيانىڭ انتاليا قالاسىندا فۋتبولدان العاش رەت وتكەن قازاقستان سۋپەركۋبوگىنىڭ فينالى كەزىندە توبەلەس شىعاردى. ونىڭ ۆيدەوسى جەلىدە جاريالانىپ كەتتى.

ماتچتا شىمكەنتتىڭ «ورداباسى» مەن قوستانايدىڭ «توبىل» كلۋبتارى كەزدەسكەن. وسى ويىننىڭ كەزىندە قوس كلۋبتىڭ جانكۇيەرلەرى وتىراتىن جەر بولىنبەگەن سوڭ، ەكىنشى تايمنىڭ ورتاسىندا داۋ-جانجال شىعىپ، ونىڭ سوڭى توبەلەسكە ۇلاسقان.

تريبۋنادا وتىرعان جانكۇيەرلەردىڭ ەلدىڭ اتىنا ءسوز كەلەدى-اۋ دەگەن ءسوزدى ىسىرىپ قويىپ، كوماندالارىنىڭ جالعان نامىسى ءۇشىن ءبىر-بىرىنە ورىندىق لاقتىرىپ، ءبىر-ءبىرىن بالاعاتتاعان.

ال ماتچ 1:1 ەسەبىمەن تەڭ اياقتالدى. پەنالتيلەر سەرياسىنىڭ قورىتىندىسى بويىنشا «توبىل»  6:5 ەسەبىمەن جەڭىسكە جەتتى.

داستان كەنجالين،

استانا