«Altyn mergen» Gran-prıinde Qazaqstan quramasy jeńimpaz atandy

Shymkent qalasynda nysana kózdeýden «Altyn mergen» halyqaralyq týrnıri máresine jetti, dep habarlady Týrızm jáne sport mınıstrligi Sportty damytý dırekııasy.

Bıylǵy týrnırge Qazaqstan, О́zbekstan, Qyrǵyzstan, Túrkmenstan, Tájikstan pen Belarýs Respýblıkasynan 230 tańdaýly mergen jınaldy. Olar barlyǵy 25 júlde jıyntyǵyn sarapqa saldy.

Jalpy esepte 17 altyn, 13 kúmis pen 13 qola medal jeńip alǵan Qazaqstan quramasy 1-orny aldy. Ekinshi satyǵa Belarýs quramasy 6 altyn, 10 kúmis, 10 qola medalmen jaıǵasty. Úzdik úshtikti Qyrǵyzstan túıindedi (1 altyn, 2 kúmis, 2 qola).

Qazaqstan quramasy sapynda Parıj Olımpıadasynyń joldamasyn jeńip alǵan Islam Satpaev, Arına Altýhova, Aleksandra Le, Konstantın Malınovskıı men Nıkıta Chırıýkın synǵa tústi. Buǵan qosa Valerıı Rahymjan, Zýhra Irnazarova, Fatıma Irnazarova, Irına Iýnýsmetova, Elızaveta Bezrýkova, Iýrıı Iýrkov, Asadbek Nazırkýlev syndy júlde alyp júrgen ulttyq qurama sportshylary boldy.

Endi ulttyq qurama Shymkent qalasynda oqý-jattyǵý jıynyn ótkizip, Brazılııadaǵy Álem kýbogy kezeńine attanady.