Teńge ilýden III Azııa chempıonatyna qatysatyn sportshylar

Teńge ilý sportynyń qysqasha tarıhy

Uzaq  jyldar boıy toı-merekelerde shaǵyn kórsetilim retinde ǵana oınalyp kelgen Teńge ilý elimizdiń ultjandy azamattarynyń kúsh salýymen Táýelsizdik jyldary ulttyq sport oıyny dárejesine kóterile bastady. Ulttyq sport túrleri qaýymdastyǵy atqarǵan júıeli jumystar 2013 jyldan bastap ulttyq sport jarystaryn  halyqaralyq deńgeıde ótkizýdi bir izge túsirdi.

2007 jyly Teńge ilýdiń arnaıy Erejesi jazylyp, ulttyq sport túrlerinen ótkizilgen  Qazaqstan   chempıonatynda alǵash ret eresekter arasynda Teńge ilý básekesi uıymdastyryldy.

2017 jyly Teńge ilýden Qazaqstan chempıonaty Almaty qalasynda «Uly dala oıyndarymen» birge ótkizildi. Teńge ilýden  XI ret ótken bul chempıonattyń bas júldesin Maǵjan Saparbek (Ońtústik Qazaqstan oblysy) jeńip aldy. Al, Álihan Báshembaev (Aqtóbe oblysy) 2 oryndy,  Zulpyhar Beıbarys (Almaty qalasy) 3 oryndy ıelendi.

Jastar  arasyndaǵy Teńge ilý básekesiniń tarıhy da 2007 jyldan bastaý alady.

2017 jyly jastar arasyndaǵy chempıonat Jambyl oblysynda uıymdastyryldy. 11 ret ótken bul jarysta Álihan Báshembaev (Aqtóbe oblysy) chempıon atandy. Ekinshi oryn Maǵjan Saparbekke (Ońtústik Qazaqstan oblysy) úshinshi oryn Erlan Dúısenbaıǵa (Mańǵystaý oblysy) buıyrdy.

2012 jyly Teńge ilýden alǵash ret jasóspirimder arasyndaǵy chempıonat uıymdastyryldy.

2017 jyly Shymkentte 6 ret uıymdastyrylǵan Qazaqstan chempıonatyna 1999-2001 jyly týǵan jasóspirimder baq synady. Bul chempıonatta Teńge ilý básekesiniń nátıjesinde 1 oryndy – Rahat Qambarov (Ońtústik Qazaqstan oblysy),  2 oryndy – Zańǵar Qoıbaǵarov (Jambyl oblysy), 3 oryndy   – Baqytjan Tórehan (Batys Qazaqstan oblysy) jeńip aldy.

2015 jyly Elorda tórinde Teńge ilýden I Azııa chempıonatynyń jalaýy kóterildi. Azııanyń 8 memleketiniń sportshylary baq synaǵan alǵashqy Azııa chempıonatynda qazaqtyń qos sańlaq uly talassyz jeńimpaz atandy.  Ońtústiktiń oǵlany  Ǵalymjan Izjanov bas júldeni jeńip aldy. Aqtóbelik Álihan Báshimbaev Azııanyń kúmis júldesin ıelendi. Qola júlde mońǵolııalyq qandasymyz Qýathan Abdolǵa buıyrdy.

Endi mine, Elorda tórindegi «Qazanat» atshabarynda 1 maýsym kúni Teńge ilýden II Azııa chempıonatynyń jalaýy kóterilmekshi. Bul básekede 9 memleket sportshylary synǵa túsedi.  Qazaq eli baptap qosqan úzdik teńge ilýshiler  men chempıonatta baq synaıtyn sheteldik teńge ilý sheberleriniń aty-jónimen tanys bola otyryńyzdar.

Maǵjan SAPARBEK – 2001 jyly týǵan. Týǵan jeri – Ońtústik Qazaqstan oblysy  Qazyǵurt aýdany, Qazyǵurt eldimekeni. Teńge ilý sportymen 2014 jyldan bastap shuǵyldanǵan. Respýblıkalyq jarystarda kóptegen júldeli oryndardy ıelendi. 2016 jyly  qazan aıynda Aqtóbe qalasynda ótken jastar arasyndaǵy Qazaqstan chempıonatynda – 1 oryndy,  2017 jyly Almaty qalasynda ótken eresekter arasyndaǵy el chempıonatynda 1 oryndy jeńip aldy.

Qazaqstan Respýblıkasy ulttyq qurama komandasynyń múshesi, Qazaqstannyń sport sheberi. II Azııa chempıonatyna irikteý jarysynda úzdik tanylǵan sportshy.

Ǵalymjan IZJANOV  – 1999 jyly týǵan. Týǵan jeri – Ońtústik Qazaqstan oblysy  Shymkent qalasy. Teńge ilý sportymen 2010 jyldan bastap shuǵyldanǵan. Kóptegen respýblıkalyq jarystardyń jeńimpazy atandy.  Teńge ilýden 2015 jyly Shymkent qalasynda ótken Á.Daýylbaev atyndaǵy respýblıkalyq týrnırdiń  jeńimpazy. 2016 jyly jasóspirimder arasyndaǵy Qazaqstan chempıonatynyń kúmis júldegeri. 2017 jylǵy «Aq bıdaı» VI respýblıkalyq aýyl sporty oıyndarynyń chempıony. 2015 jyly Astana qalasynda Teńge ilýden ótken I ashyq Azııa chempıonatyn jeńip aldy.

TEŃGE ILÝDEN II AZIIa ChEMPIONATYNA QATYSATYN MEMLEKETTER SPORTShYLARYNYŃ TIZIMI 

THE LIST OF PARTICIPANTS OF II ASIAN TENGE ILU CHAMPIONSHIP 

Tólegen  JÁKITAI