Jarys alańynda Jeltoqsan batyrlary

«Bulaq basy tirshliktiń qasy», demekshi, táýelsizdigimizdiń basy bolǵan egemendikti jeńip alyp bergen Jeltoqsan batyrlary áli tolyqtaı aqtalyp kópten ańsaǵan statýsyn ala almaı keledi. Sol bir saryshunaq aıaz bet qaryǵan azaly túnde alańǵa shyǵyp, táýelsizdigimiz úshin qan-qasap kóterilisti jan berip, jan alysqan batyrlarǵa úkimet tarapynan qandaı qoldaý, kómek jasasa da artyq bolmas edi. Jylyna bir keletin 16, 17 jeltoqsan kúnderi ǵana batyrlar eske alynyp qoıady.

Jyl saıyn arasy sırep bara jatqan batyrlar týraly, jastardyń ulttyq patrıottyqtyq sezimin oıatý jolynda tipti, jyl on eki aı mektepterde jıi kezdesýler ótkizip, aqparat kózderine shyǵaryp, tipti, olar týraly kıno-serıaldar túsirse da artyq bolmas edi. Degenimende jeltoqsannyń yzǵaryn kórip, ult taǵdyry úshin kúresken batyrlar jaqsylyqtyń artyn sabyrmen kútip keledi.

N.Nazarbaev basqarǵan jyldary bılik jeltoqsan dese úreılenip, úrpıip shyǵa keletin bir jaman ádeti bar bolatyn. Allaǵa shúkir Q.Toqaev bılik basyna kelgeli joǵarydan sál de bolsa jylylyq baıqalyp, seń qozǵala bastaǵan sekildi. Búgingi kúni jeltoqsan batyrlary ózderin qoǵam umytyp ketpes úshin, áli bar ekenin nar ekeinn tanytatyn túrli is-sharalar uıymdastyryp qoǵamda belsene ómir súrýde. Solardyń biri sporttyq oıyndar desek durys bolar.

Táýelsizdikke arnalǵan jeltoqsan batyrlarynyń arasynda spartakıada bolyp ótti.

Jarys Almaty qalasyndaǵy Aqsaı móltek aýdanynda ornalasqan № 42 qazaq orta mektebiniń qabyrǵasynda jalaýyn kóterdi. Jarystyń saltanatty ashylýynda aýdan ákimshiliginen kelgen ókil men mektep ujymynyń basshylary jeltoqsan batyrlaryn táýelsizdik kúnimen quttyqtaǵan soń sahna tórinde konerttik baǵdarlamalaryn tartý etip, batyrlardyń kóńilin bir kóterip tastady.

Bul týrnırdi «Jeltoqsan Aqıqaty» respýblıkalyq qoǵamdyq birlestiginiń Áýezov aýdanyndaǵy fılaly aýdan ákimshiligimen birlese otyryp uıymdastyrǵan edi. Aıtýly aýdandaǵy jeltoqsandyqtardyń tóraıymy jeltoqsannyń batyr qyzy Almagúl hanymnyń osyndaı alaman jarysty ótkizýdegi eńbegi zor.

Jarystyń basynan aıaǵyna deıin qatysyp, jankúıer bolǵan «Jeltoqsan Aqıqaty» respýblıkalyq qoǵamdyq birlestiginiń tóraǵasy Bolat Toqtabaıuly Qurymbaev baýyrymyz jeltoqsan batyralarynyń oıyndaryna dán rıza bolyp, kele jatqan Táýelsizdik kúnimen quttyqtady. Jetisý aýdanyndaǵy «Jeltoqsan Aqıqaty» uıymynyń tóraǵasy Tóken Smaǵulov óziniń jetisýlyq komandasyna barynsha uıytqy bolyp shaýyp júrdi. Spartakıada barysynda Jetisý aýdanyndaǵy jeltoqsannyń batyr qyzdary Alma, Gúlhan, Gúlzadalar sporttyq darts, doıby jáne estafeta syndy sport túrlerine belsene qatysyp, júldeli oryndardan kórinip, sport ómirlerinde úlken oryn alatyndyqtaryn tamasha oıyndarymen kórsete bildi. Sonymen Áýezov aýdanynyń muryndyq bolýymen ótken spartakıada tartysqa tola joǵary kóńil kúıde uıymdastyryldy dese bolady. Tańazannan bastalǵan jarys barysynda ásirese, shaǵyn fýtboldan ótken básekeler tartysqa toly boldy. Jastary kelse de teńbil dopty urshyqa ıirgen batyrlar alańda jeńis úshin jan aıamady. Tipti, dopqa shalynyp jerge etpetimen qulap túskenderdiń ózi orynynan atyp turyp oıynyn ary qaraı jalǵastyryp jatty. Sony kórgen kórermender qol soǵyp qoshamet kórsetip, batyrdaryń qaısarlyǵyna qaıran qaldy.

Jarys qortyndysy boıynsha Áýezov aýdany 1-oryndy, Jetisý aýdany 2-oryndy, Naýyryzbaı aýdany 3-oryndy ıelendi. Men de jeltoqsan ardageri retinde Jetisý aýdanynyń namysyn qorǵap, jarys jolyna shyqqan edim. Iá, baıaǵy 25 bes qaıdan bolsyn, degenimende ómir boıy sportty ómirimniń máni dep qaraǵandyqtan, sharshamaı-shaldyqpaı komandalastaryma barynsha qoldaý kórseteýge tyrystym. Ol eńbegimdi zaıa ketpes kerek, Alla qoldap ekinshi oryndy ıelendik. Iá, komandamyzda 5 adam qosalqy oıynshymyz bolǵan joq. Al birinshi oryn alǵan Áýezov komandasynda 10 jigit oınady. Fýtboldy túsinetin adamǵa qosalqy oıynshysyz shaǵyn fýtbolda oınaý qandaı qıyn ekeni belgili.

Jarys sońynda jeńimpazdar men júldegerler qurmetpen marapattaldy. Degenimende Alla shúkir deımiz! Bir júgirip terlep, salaýatty ómir saltyn qalyptastyryp jastarǵa úlgi-ónege kórsetken degen úlken ıgi is dep bilemiz. Ásirese, jeltoqsandyq qandy kóılek dostarymyzben qaýyshyp bir jasap qaldyq. Fýtbol degen bir qudiretti sport túri ǵoı. Jasymyz aldy 70-ti arty 60-ty alqymdap qalǵan ardagerler úshin osyndaı sport arqyly bas qosyp turymyzdyń jóni bólek qoı. Aman bolyńdar aınalaıyn jeltoqsandyq zamandastarym!

Aqyn ORDABAIULY,

ALMATY