HOK qazaq sportyna baǵa berdi

Memleket basshysy Qasym-Jomart Toqaev alyqaralyq olımpıada komıtetiniń sport dırektory Kıt MakKonnellmen kezdesti, dep habarlady Aqorda.

Kezdesýde Qazaqstannyń Ulttyq olımpıada komıteti men HOK arasyndaǵy ózara yqpaldastyq perspektıvasy talqylandy,

Prezıdent Olımpıada oıyndarynyń qundylyqtaryn dáripteýde jáne atletterdi qoldaýda Halyqaralyq olımpıada komıtetiniń mańyzdy ról atqaratynyn atap ótti.

Memleket basshysy otandyq sportty jáne halyqaralyq seriktestikti damytý maqsatynda elimizdiń uıymmen yntymaqtastyqty odan ári nyǵaıtýǵa daıyn ekenin jetkizdi.

Kıt MakKonnell Qazaqstan sport qaýymdastyǵynyń Olımpıada qozǵalysyn nasıhattaý isine qosqan úlesin joǵary baǵalady. Sondaı-aq ol ulttyq quramanyń halyqaralyq jarystarda tabysqa jetýine tilektestik bildirdi.