قازاقستان فۋتبول فەدەراتسياسىنىڭ جاڭا پرەزيدەنتى سايلاندى

بۇگىن استانادا قازاقستان فۋتبول فەدەراتسياسىنىڭ XXVII سايلاۋ كونفەرەنتسياسى بولدى. وندا فەدەراتسيانىڭ جاڭا پرەزيدەنتى سايلاندى، دەپ حابارلادى قازاقستان فۋتبول فەدەراتسياسى.

ەڭ كوپ داۋىس جيناعان مارات وماروۆ قازاقستان فۋتبول فەدەراتسياسىنىڭ پرەزيدەنتى اتاندى. ول 1988 جىلى تۋعان.

2010 جىلى «بولاشاق» باعدارلاماسى بويىنشا بريتاندىق يورك ۋنيۆەرسيتەتىن «فيلوسوفيا، ساياساتتانۋ، ەكونوميكا» ماماندىعى بويىنشا، 2011 جىلى الەۋمەتتىك عىلىمدار ماگيسترى دارەجەسى بەرىلە وتىرىپ، لوندون ەكونوميكا جانە ساياسي عىلىمدار مەكتەبىن (LSE) ءبىتىردى، دەپ حابارلادى قازاقپارات.

2012-2014 جىلدارى — ەكونوميكالىق دامۋ جانە ساۋدا، كەيىننەن- ەكونوميكا جانە بيۋدجەتتىك جوسپارلاۋ، ۇلتتىق ەكونوميكا ءمينيسترىنىڭ كەڭەسشىسى.

2014-2016 جىلدارى — ۇلتتىق ەكونوميكا مينيسترلىگىنىڭ تاريفتىك جانە ينستيتۋتسيونالدىق ساياساتتى قالىپتاستىرۋ دەپارتامەنتى ديرەكتورىنىڭ ورىنباسارى.

2016-2017 جىلدارى — «قازاقتەلەكوم» اق-نىڭ باسقارۋشى ديرەكتورى.

2017-2019 جىلدارى — «تەحنولوگيالىق دامۋ جونىندەگى ۇلتتىق اگەنتتىك» اق باسقارما توراعاسى، ترانسفورماتسيادان كەيىن — «QazTech Ventures» اق باسقارما توراعاسى («بايتەرەك «ۇبح» اق قۇرىلىمىنا كىرەدى).

2019 جىلدان باستاپ 2020 جىلعى قازانعا دەيىن — «بايتەرەك «ۇبح» اق باسقارۋشى ديرەكتورى — باسقارما مۇشەسى. «قازاقستاننىڭ تۇرعىن ءۇي قۇرىلىس جيناق بانكى» اق، «قازىنا كاپيتال مەنەدجمەنت» اق، «قازاقستاننىڭ دامۋ بانكى» اق ديرەكتورلار كەڭەسىنىڭ مۇشەسى.

2020 جىلعى قازاننان 2022 جىلعى تامىزعا دەيىن — باسەكەلەستىكتى قورعاۋ جانە دامىتۋ اگەنتتىگى توراعاسىنىڭ ورىنباسارى لاۋازىمىنا تاعايىندالدى.

2022 جىلعى 16 تامىزدا  باسەكەلەستىكتى قورعاۋ جانە دامىتۋ اگەنتتىگىنىڭ توراعاسى لاۋازىمىنا تاعايىندالدى.

وسى اپتادا قازاقستان گيمناستيكا فەدەراتسياسىنىڭ باسشىسىن دا سايلاۋ بولدى. ونىڭ پرەزيدەنتى بولىپ ءاليا يۋسۋپوۆا قىزمەتىنە قايتا سايلاندى.