جىبەك قۇلامباەۆا مادريد ءتۋرنيرىنىڭ جەڭىمپازى اتاندى

جىبەك قۇلامباەۆا جۇپتىق سىندا يسپانيانىڭ مادريد قالاسىندا وتكەن ITF W100 تۋرنيرىندە ۇزدىك شىقتى، دەپ حابارلادى قازاقستان تەننيس فەدەراتسياسى.

فينالدا قۇلامباەۆا مەن ۋەرگو يسپانيالىق مارينا باسسولس پەن اندرەا لاسارو گارسيانى جەڭدى. ءبىرىنشى سەتتە يسپاندىقتار 7:6 (9:7) ەسەبىمەن جەڭىسكە جەتتى. الايدا ەكىنشى سەتتە جىبەك پەن نيكول 7:6 (7:4) ەسەبىمەن ەسەسىن قايتاردى.

جەڭىس تاعدىرىن شەشكەن چەمپيوندىق تاي-برەيكتە قازاقستان مەن يتاليا وكىلدەرى قارسىلاستارىن 10:4 ەسەبىمەن باسىپ وزدى.

بۇل — قۇلامباەۆا مەن ۋەرگونىڭ بىرگە جەڭىپ العان بەسىنشى تيتۋلى. سونىمەن بىرگە ولاردىڭ بيىلعى ماۋسىمداعى العاشقى جەڭىسى جانە W100 ساناتىنداعى العاشقى بىرلەسكەن جەتىستىگى.