SportPress.kz Qazaqstan sport jańalyqtary
Jibek Qulambaeva juptyq synda Ispanııanyń Madrıd qalasynda ótken ITF W100 týrnırinde úzdik shyqty, dep habarlady Qazaqstan tennıs federaııasy.
Fınalda Qulambaeva men Ýergo ıspanııalyq Marına Bassols pen Andrea Lasaro Garsııany jeńdi. Birinshi sette ıspandyqtar 7:6 (9:7) esebimen jeńiske jetti. Alaıda ekinshi sette Jibek pen Nıkol 7:6 (7:4) esebimen esesin qaıtardy.
Jeńis taǵdyryn sheshken chempıondyq taı-breıkte Qazaqstan men Italııa ókilderi qarsylastaryn 10:4 esebimen basyp ozdy.
Bul — Qulambaeva men Ýergonyń birge jeńip alǵan besinshi tıtýly. Sonymen birge olardyń bıylǵy maýsymdaǵy alǵashqy jeńisi jáne W100 sanatyndaǵy alǵashqy birlesken jetistigi.
