«تۇران» ءتورت تۋر قالعاندا باس جاتتىقتىرۋشىسىز قالدى

تۇركىستان قالاسىنىڭ «تۇران» فۋتبول كلۋبى پرەمەر-ليگا ويىندارىنىڭ اياقتالۋىنا ءتورت تۋر قالعاندا باس جاتتىقتىرۋشى ابدىحالىق بورىباەۆ پەن ونىڭ كومەكشىسى ارتۋر اۆاكيانتسپەن قوش ايتىستى.

كلۋبتىڭ ءباسپاسوز قىزمەتى حابارلاعانداي، قازىر «تۇراننىڭ» ءبىرىنشى ليگاعا ءتۇسىپ قالۋ قاۋپى بار. سول سەبەپتەن باس جاتتىقتىرۋشى مەن ونىڭ كومەكشىسى كوماندادان كەتۋگە ءماجبۇر بولىپ وتىر.

قازىر كلۋب پرەمەر-ليگادا 19 تۋردان كەيىن 11 ۇپايمەن 13-ورىندا. ونىڭ الدىندا 12-ورىندا 13 ۇپايمەن « ۇلىتاۋ» تۇر. ال تۋرنير كەستەسىنىڭ سوڭعى ورنىندا بار بولعانى 9 ۇپاي جيناعان «اتىراۋ» كەلەدى.

وتكەن تۋردا تالدىقورعاندا «جەتىسۋدان» 0:1 ەسەبىمەن جەڭىلىپ قالدى. ەندى تۇركىستاننىڭ جاساعى 9 تامىزدا اتىراۋدا جەرگىلىكتى كلۋبپەن وينايدى.

داستان كەنجالين،

استانا