«قايرات» فۋتزالدان سۋپەركۋبوكتىڭ يەگەرى!

بۇگىن ورال قالاسىندا فۋتزالدان الماتىنىڭ «قايرات» كلۋبى مەن سەمەيدىڭ «سەمەي» كومانداسى قازاقستان سۋپەركۋبوگىن ساراپقا سالدى.

بۇل ماتچتىڭ ەرەكشەلىگى، فۋتزال تاريحىندا العاش رەت سۋپەركۋبوك ويىنى باتىس قازاقستان وبلىسىندا بولدى. كوماندالار جاڭا ءارى زاماناۋي سپورت كەشەنىندە كۇش سىناستى.

بىلتىر «قايرات» «سەمەيدى» 3:1 ەسەبىمەن جەڭىپ، سۋپەركۋبوكتىڭ يەگەرى اتانعان ەدى.

«قايرات» بۇعان دەيىن 11 رەت سۋپەركۋبوكتى جەڭىپ العان. الماتىنىڭ كلۋبىنان كەيىن «اقتوبەرەنتگەن» كومانداسى ەكى رەت سۋپەركۋبوكتىڭ يەگەرى بولعان. بۇل جۇلدەنى «تۇلپاردىڭ» ءوزى ءبىر-اق رەت جەڭگەن. ال بۇگىنگى ويىندا «قايرات» 1:0 ەسەبىمەن جەڭىسكە جەتتى.

داستان كەنجالين،

استانا