«Qaırat» fýtzaldan sýperkýboktyń ıegeri!

Búgin Oral qalasynda fýtzaldan Almatynyń «Qaırat» klýby men Semeıdiń «Semeı» komandasy Qazaqstan sýperkýbogyn sarapqa saldy.

Bul matchtyń ereksheligi, fýtzal tarıhynda alǵash ret sýperkýbok oıyny Batys Qazaqstan oblysynda boldy. Komandalar jańa ári zamanaýı sport kesheninde kúsh synasty.

Byltyr «Qaırat» «Semeıdi» 3:1 esebimen jeńip, sýperkýboktyń ıegeri atanǵan edi.

«Qaırat» buǵan deıin 11 ret sýperkýbokty jeńip alǵan. Almatynyń klýbynan keıin «Aqtóberentgen» komandasy eki ret sýperkýboktyń ıegeri bolǵan. Bul júldeni «Tulpardyń» ózi bir-aq ret jeńgen. Al búgingi oıynda «Qaırat» 1:0 esebimen jeńiske jetti.

Dastan KENJALIN,

ASTANA