SportPress.kz Qazaqstan sport jańalyqtary
Búgin Shymkent qalasynda ótip jatqan nysana kózdeý men stend atýdan XVI Azııa chempıonatynda Qazaqstan qorjynyna taǵy bir medal tústi, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.
Trap jattyǵýynda aralas komandalyq saıysta Qazaqstan-1 komandasy sapynda Álisher Aısalbaev pen Aıjan Dosmaǵambetova Úndistan-2 quramasynan basym tústi. Esep – 38:34. Taǵy bir qola júldege Qytaıdyń Taıpeıi ıe boldy.
Altyn medaldi Qytaı-2 men Kýveıt-1 komandalary sarapqa salyp jatyr.
Bul Álisher Aısalbaevtyń Azııa chempıonatynda jeńip alǵan alǵashqy júldesi, al Aıjan Dosmaǵambetova ekinshi ret medal alyp otyr.
Qazaqstan quramasy — órt sóndirý-qutqarý sportynan álem chempıonatynyń júldegeri!
Reseıdiń Saransk qalasynda jasóspirim uldar arasyndaǵy XIV jáne jasóspirim qyzdar arasyndaǵy X álem chempıonaty aıaqtaldy.
Jarystyń sońǵy kúninde eń tartysty syndardyń biri – jaýyngerlik qanat jaıý boldy. Bul kezeńde sportshylardyń kúsh-qaıraty men tózimdiligi synaldy.
Chempıonatta Qazaqstan quramasy qola júldeger atandy.
Arman Mysa dzıýdodan álemdik dodanyń medalısi atandy
Bolgarııanyń Sofııa qalasynda jasóspirimder arasynda dzıýdodan álem chempıonaty bastaldy.
Jarystyń alǵashqy kúninde jas dzıýdoshy Arman Mysa (-50 kg) qola medal jeńip aldy.
Dzıýdo federaııasynyń málimetine qaraǵanda, ol 50 kelige deıingi salmaq dárejesinde beldesip, bes kúrestiń tórteýinde jeńiske jetti.
Arman Mysa irikteý kezeńinde taıpeılik Shın Iýn Chıendi, amerıkalyq Samýel Abdýmalık pen Ázerbaıjan ókili Anar Gýlıevti jeńdi. Al jartylaı fınalda О́zbekstan dzıýdoısi Hýshnýd Sýltanovtan jeńildi.
Úshinshi oryn úshin Majarstannyń balýany Mılan abony jeńip, álem chempıonatynyń qola júldegeri atandy.
Jasóspirimder arasyndaǵy dzıýdodan álem chempıonaty 30 tamyzǵa deıin jalǵasady. Jarysqa álemniń 71 elinen 551 dzıýdoshy qatysyp jatyr.
