Beısen Quranbekke qurmet kórsetildi

Jaqsy adam baǵban sekildi. О́ziniń tal shybyqtaı otyrǵyzǵan jemis aǵashyn, asqan súıispenshilikpen, yntamen qarap baǵady. Sosyn baǵynan úzilip túsken árbir jemisin jep, rahattanyp jatqan adamdarǵa qarap turyp úlken lázzat alady. Bul naǵyz adamgershilktiń bıik kórinisi. Adam ómirinde óziniń jany qalap, tańdap alǵan mamandyǵy bar ǵumyryna azyq bolary haq.

Iá, eger sol súıikti mamandyǵynynyń jemisin kóre bilse odan asqan baqyt joq shyǵar. Bizdiń áriptesimiz belgili sóz óneriniń zergeri, belgili jýrnalıst, tanymal telejúrgizýshi, marqum Beısen Quranbekti jemisin el-jurtqa taratyp bergen zııaly baǵbanǵa teńer edik. Hadıste: «Adamnyń shynaıy baılyǵy — onyń bul dúnıede jasaǵan jaqsylyqtary», — deıdi. Endeshe, Beısenniń qandaı adam bolǵanyn, onyń el úshin jasaǵan ıgilikti jumystarynan bilemiz. Ásirese «Aıtýǵa ońaı» tok shoýyndaǵy áserli sózderimen mándi maǵynaly qozǵaǵan qoǵamdaǵy ózekti taqyrybymen halyqtyń júreginiń tórinen úlken oryn alǵan Beısen Quranbektiń esimi qazaq jýrnalıstıkasynda oıyp turyp ornyn alyp qaldy deýge bolady.

Beısenniń árbir júrgizgen telehabary arqyly qalyń jurt kókeıindegi ózekti órter máselerlerine jaýap taýyp batalaryn berip otyrdy. Joǵary júrgizý sheberligi arqyly aıtary kóp, baıtaǵy keń, óz salasynyń sheberi ekenin kórermen kórip súısindi. Marqum baqılyq dúnıege ótkenshe, salaýatty ómir saltyn berik ustap, sport salasyna da qalam tartyp júrýshi edi. Iá, onyń bári keshe ǵana bolǵandaı. О́tti de ketti. «Dúnıe soqqan jeldeı, aqqan sýdaı, kórgen tústeı óte shyǵady eken», — dep Beıimbet Maılın atamyz aıtqandaı, sum ajal ardaq tutqan, el qadirlegen, asyl azamatty ortamyzdan julyp alyp ketti. «О́ldi deýge bola ma, ólmeıtuǵyn artyna iz qaldyrǵan», -dep hakim Abaı aıtqandaı, az ǵumyrynda kórnekti iz qaldyra bilgen Beısen Quranbektiń jarqyn beınesi jadymyzda máńgi saqtalary sózsiz. Allanyń isine esh shara joq. Qazaq jýrnalıstkasynda júrgizýshilik salasyna sara jol salǵan Beısenniń mektebi jas urpaqqa úlken ónegi.

Búginde belgili jýrnalıst, asyl azamat Beısen Quranbekti eske alý is-sharalary ózi týǵan óńirde jalǵasyn úzbeı keledi. Ásirese, shaǵyn fýtboldan qalamgerler arasynda jyl saıyn Taldyqorǵan qalasynda dástúrli túrde uıymdastyrylatyn Beısen Quranbekti eske alýǵa arnalǵan respýblıkalyq týrnır bıyl da qyzyq tamashasymen joǵary deńgeıde bolyp ótti.

Jarysqa elimizdiń ár aımaǵynan saıdyń tasyndaı saraptalǵan 8 komanda kelip, jeńis úshin tartysqa toly oıyndaryn kórsetti.

Týrnırdiń saltanatty ashylýy ótkennen keıin, tartysty kezdesýlerler jalǵasyp oıynnyń kórigin qyzdyra tústi. Kezinde Seıdahmet Berdiqulov atyndaǵy dástúrli respýblıkalyq jarys úzbeı uıymdastyrylyp elge tanymaly qalamgerler alańda tartysty oıyn salyp, halyq kelip qyzyqtaýshy edi.

Sherhan Murtaza, Dýlat Isabekov, Ǵazızbek Táshimbaı, Rabat Jánibek, Sultanǵalı Qarataev sekildi qalamy júırik, elge áıgili aqsamaıly jazýshylar men qazaq sport jýrnalıstıkasynyń qara narlary alań syrtynda tamashalap aıqaıdy salyp otyratyn. Ol da bir dáýren eken ǵoı. Sol aǵa býyn aqsaqaldarymyz kelmestiń kemesine minip ketkeli beri, aıtýly jarystyń dýmany tarqap, dúbiri de alystap ketken sııaqty. Sondyqtanda qalamgerlerdiń bastary qosylyp, baǵyn synaıtyn dúbirli jarystar saýsaqpen sanaýly-aq qalǵan shyǵar. Solardyń biri — Beısen Quranbekti eske alý jarysy. Bul syn eldegi jýrnalıster qaýymy úshin mán-maǵynasy zor týrnırdiń birine aınalyp keledi.

Hosh, sonymen kún uzaq tartysty ótken kezdesýlerdiń nátıjesi boıynsha jeńiske jetken komandalardyń esimderi de anyq boldy. Týrnırge respýblıkamyzdyń ár óńirinen saraptalynyp saqadaı saı kelgen segiz komandanyń arasynda respýblıkalyq týrnırlerde báıgeniń aldyn bermeı júrgen Taldyqorǵannyń «Haraketi» men Qyzylordanyń «Aqmeshit» komandalary da bar edi.

Komandalar eki topqa bólinip jeńis úshin jan berisken oıyndar bastaldy. Sonymen «A» tobynan «Aqmeshit» pen «Haraket» komandalary shyqsa, «B» tobynan «Setanta sport» pen «Bek sport» komandalary úzdik kórindi.

Keskilesken jartylaı fınaldyq oıyndarda «Setanta sport» komandasy «Haraketke» qarsy turǵan edi. Negizgi ýaqyt teń aıaqtalyp, penaltı serııasynda «Setantanyń» asyǵy alshysynan túsip fınalǵa bir-aq shyqty. Al «Bek sport» komandasy «Aqmeshitpen» ótkizgen oıyn barysynda da jeńimpazdy penaltıde anyqtaýǵa týra keldi. Penaltıde «Bek sport» oıynshylarynyń tepken doby múlt ketpeı, jeńiske jetip fınalǵa joldama aldy. Sheshýshi oıynda «Setanta sport» komandasy «Bek sporttty» 4:3 esebimen jeńip, bas júldege tigilgen 1 mln teńgeni ıelendi. Al úshinshi oryn úshin kezdesýde «Aqmeshit» talaı týrnırdiń aldyn bermeı júrgen «Haraket» komandasynan basyp túsip qola júldeger atandy.

Osylaısha kúmis júldeger «Bek sport» komandasy 700 myń teńgege ıe bolsa, qola júldeni alǵan «Aqmeshit» komandasy 500 myń teńgeni mise tutty. Sonymen qatar ár nomınaııalar boıynsha ozyq oıyn kórsetkender saltanatpen maraptattaldy. Týrnırdiń «Úzdik oıynshysy» ataǵyna «Aqmeshit» komandasynyń úzdigi Amangeldi Seıithan laıyq bolsa, «Úzdik shabýylshy» nomınaııasy boıynsha «Setanta sport» komandasynyń oıynshysy Aleksandr Hohlov marapattaldy. Al «Kóremender kózaıymy» syılyǵyna О́skenmennen kelgen komandanyń oıynshysy Serik Ádilhan laıyq dep tanyldy.

Negizi qandaıda bir komanda bolsyn osyndaı alaman jarystarǵa jaýaptylyqpen qarap, tııanaqty daıyndalyp kelse mindetti túrdi bir nátıjege qol jetkizeri belgili. Qurylǵanyna bir jyl tolmaı jatyp, osyndaı iri jarysta «men» degen qamshy saldyrmaıtyn sara komandalardy saptan shyǵaryp tastap jeńiske jetý, tabandy talmaı jasaǵan eńbek pen qaısarlyqty, ujymdyq yntymaq pen sheberlikti talap eteri sózsiz. Komanda oıynshylarynyń boıyna ózine degen senimdi arttyryp, jeńiske degen sheberlikterin úzbeı jasatyp kelgen jattyǵýlar arqyly jemisin kóre bilgen komanda kapıtany, «Setanta sport» sport kanalynyń elge tanymal belgili kommentatory Erjan Kóshkinbaevtyń tókken mańdaı teri beker ketpeginin kórgendeımiz. Sonymen qatar komanda quramynda tamasha oıyn órnegimen kópti tánti etken «Kazsport» telearnasynyń qalamy ushqyr jýrnalısi, talantty kommentator Rýslan Baqytjannyń árbir ótken alamanda ashyla túskenin kórgendeı boldyq. Márege qaraı taıaǵanda qanat bitip shabatyn tulpardaı Rýslannyń tartysty oıyny qaıran qaldyra túsýde.

«Uıymdastyrylyp istegen ár istiń bir sáni bar. Ár qımyldyń ózinshe, yrǵaǵy bar, áni bar», — degen eken Sáken Seıfýllın. Aırandaı uıytyp jarysqa aparǵan bul komandaǵa synmen qarap, ezý tartqandarda bolǵan eken. Dese de tartysty oıyndarymen kópshilikti tánti etken «Setanta sport» komandasy basynan-aq bas júldege úmitker komandanyń biri ekenin atoılap kórsetken oıyndarymen kópshilikti tánti etken. Bul komanda sáýir aıynda tuńǵysh ret belgili sport kommentatory Amangeldi Seıitqanovty eske alýǵa arnalǵan jarysqa qatysyp, kórermender kózine alǵash túsken komanda bolatyn. Ol týrnırde jeńiske jetpese de bolashaǵynan zor úmit kúttirer komandanyń biri ári biregeıi ekenin baıqatqan edi. Bir ǵajaby komanda tolyqtaı kommentatorlardan jasaqtalǵan. Jaz aıynda «Almaty» telearnasy BAQ arasynda uıymdastyrǵan dúbirli jarysta bul komanda alǵash ret úzdik úshtikten kórinip, qola júldeger atanǵan edi. Endi mine, Beısen Quranbekti eske alýǵa arnalǵan BAQ ókilderi arasyndaǵy respýblıkalyq alaman týrnıdiń altyn júldesi men bas báıgeni jeńip alyp, Jetisý jerinen jeńispen oralyp otyr.

«Baqyt pen jeńis baryn salyp eńbektenge buıyrady», — degen eken Gete. Endeshe, tabandy eńbekterimen jeńiske jetken Erjan Kóshkinbaev jetekshilik etetin «Setanta sport» komandasyn jeńisimen quttyqtaımyz! Qanjyǵalary maılanyp, jeńispen jelpingen bul komanda aldaǵy jarystarda osyndaı bıik tuǵyrdan kóriný úshin jattyǵýlaryn shyńdaı túsýdi maqsat etip otyr.

 

Aqyn ORDABAIULY,

Foto: Jeńis YSQABAI

TALDYQORǴAN