Qazaq klýbtaryn qurylys kompanııalary satyp alyp jatyr

«Qazaq Stroy» kompanııasynyń basshysy ári sonyń quryltaıshysy Nurlan Artyqbaev «Aqtóbe» fýtbol klýbynynyń ıesi atandy.

QazAqparat agenttiginiń habarlaýynsha, klýbtyń balanstyq quny — 200 mln teńge.

«Aqtóbe» fýtbol klýbynyń qujaty birer aıda tolyq rásimdeledi.

— Jekeshelendirý — tikeleı prezıdenttiń tapsyrmasy. Bıýdjetten qarjy bólinbeıdi. Elimizdiń qaltaly azamattary alyp, klýbty jetildiredi. Klýbqa qyzyǵýshylyq tanylyp, óz úlesin qosamyn degen kásipker anyqtaldy. Ol — «Qazaq Stroy» kompanııasynyń basshysy, quryltaıshysy Nurlan Artyqbaev. Aqtóbelik, bala kezinen beri «Aqtóbe» fýtbol klýbyna jankúıer bolyp, ata-anasymen stadıonǵa barǵan. Ol sol kezde bolashaqta múmkindik bolsa, úles qosamyn dep armandaǵan. О́zi habarlasyp, prezıdenttiń tapsyrmasyn iske asyrýǵa daıyn ekenin bildirdi.

Bir-eki aıdyń kóleminde qujatty tolyq aıaqtaımyz dep josparlap otyrmyz. Endi qalaı bolatynyn, klýbqa qansha bólinetinin kásipkerdiń komandasy aıtady. Árıne, biz tys qalmaımyz, qajetti ınfraqurylym, sonyń ishinde balalar, jasóspirimder fýtboly basty nazarda bolady. Balalar óskende úlken sportqa qadamyn osy kásipkermen birge iske asyrady, — dedi Aqtóbe oblysynyń ákimi Ashat Shaharov.

Sonymen birge oblys basshysy baǵalaý jumystarynyń istelingenin,  qazir klýbtyń balanstyq quny — 200 mln teńge ekenin, 35 myń orynǵa arnalǵan stadıonnyń qurylysy týraly da aıtty.

-Qurylysshylardyń aıtýynsha, stadıon eki jylda salynady, — dedi Ashat Shaharov. 

Buǵan deıin habarlanǵandaı, Qyzylorda «Qaısar», Astanada «Jeńis», Petropavlda «Qyzyljar» fýtbol klýby jekeshelengen bolatyn.

«Qaısar» klýby «TAU Group LTD» kompanııasynyń basshysy Islamǵalı Qozbaqovtyń jeke basqarýyna berilse, «Jeńiske» Kaspi.kz kompanııasynyń basshysy Mıhaıl Lomtadze ınvestıııa salady. Ol Astanada «Jeńis» fýtbol klýbyna álemdik deńgeıdegi balalar akademııasyn salatynyn, onda jas talanttar halyqaralyq talaptar boıynsha tegin jattyǵa alatynyn, akademııa «Jeńis» fýtbol bazasynda salynatynyn aıtty.

Kásipker Sergeı Kan «Qyzyljar» fýtbol klýbynyń ınvestory boldy. Qaraǵandynyń «Shahter» komandasy týraly aıtsaq, osy aıdyń sońynda ol aýkıonǵa túsedi. Qaraǵandy oblysynyń ákimi Ermaǵanbet Bólekbaevtyń aıtýynsha, kenshiler qalasynyń klýby 50 mln teńgeden asa somaǵa satylady. Ony Freedom Holding basshysy ári Qaraǵandy oblysy fýtbol federaııasynyń prezıdenti Tımýr Týrlov satyp alýy múmkin.

Odan basqa jekeshelendirýge usynylǵan sport uıymdarynyń qatarynda «Astana», «Atyraý», «Ordabasy», «Turan» men «Kaspıı» klýbtary bar.

Bul komandalar Básekelestikti qorǵaý jáne damytý agenttigi daıyndaǵan 461 nysannan turatyn keshendi tizimge engizilgen. Agenttik tóraǵasy Marat Omarovtyń aıtýynsha, bul nysandar aldymen Joǵary reformalar keńesine usynylady. Keıin olardy jekeshelendirýdiń keshendi josparyna engizý qarastyrylǵan. Bul jumystar 2028 jyldyń sońyna deıin baqylaýda bolady.

Dastan KENJALIN,

ASTANA