Alaqandaı el álem chempıonatyna joldama jeńip aldy

Kıýrasao eli tarıhta kólemi jaǵynan fýtboldan álem chempıonatyna shyqqan eń kishkentaı memleket atandy.

Ol Iamaıkamen matchta 0:0 esebimen teń túsip, 2026 álem chempıonatynyń fınalyna joldama aldy.

Aralda nebári 156 myń adam turady. Al onyń aýmaǵy — 444 km².

Komandany nıderlandııalyq jattyqtyrýshy Dık Advokat basqarady. Onyń jasaǵy birde –bir ret jeńilgen joq. Kerisinshe, qarsylastaryn úlken eseppen jeńdi. Onyń ishinde Bermýd araldarymen oıynda 7:0 esebimen jeńiske jetti. Komanda B tobynda 12 upaı jınap, birinshi orynǵa shyqty.

Sonymen birge Panama Salvadordy 3:0 esebimen jeńip, ekinshi ret álem chempıonatyna fınalyna shyqty. Al Gaıtı C tobynda sensaııa jasap, favorıt sanalǵan Gondýras pen Kosta-Rıkany artta qaldyrdy. Ol topta birinshi oryn aldy.

Topta ekinshi oryn alǵan komandalar — Iamaıka men Sýrınam kontınentaralyq pleı-off matchtaryn oınap, qalǵan eki joldama úshin kúsh synasady.

Qurlyqaralyq oıyndar kelesi jyly naýryzda bolady. Oǵan Bolıvııa, Jańa Kaledonııa, Kongo DR men Irak qatysady. Al 2026 jylǵy álem chempıonatynyń toptyq kezeńiniń jerebesi 5 jeltoqsan Vashıngtonda tartylady.

Álemdik mýndıaldyń ózi 11 maýsymnan 19 shildege deıin AQSh, Kanada men Meksıkada bolady.

Kıýrasao buryn Nıderland koroldigine qaraǵan el. Ol 2010 jyly táýelsizdigin jarııalady.

Dastan KENJALIN,

ASTANA