UEFA Chempıondar lıgasy: Dastan Sátpaev taǵy da ózine nazar aýdartty

Búgin «Qaırat» Chempıondar lıgasy negizgi kezeńiniń besinshi týrynda Danııanyń «Kopengagen» klýbymen oınap, odan 2:3 esebimen jeńildi.

Ol 81-mınýtta «Kopengagen» komandasy qaqpasynan sańylaý tapty. Sóıtip, Sátpaev 17 jasynda  UEFA Chempıondar lıgasynda gol soqqan eń jas oıynshylar úshtigine kirdi. Sonymen birge Dastan Sátpaev UEFA Chempıondar lıgasy negizgi kezeńindegi alǵashqy golyn soqty.

Búgin ol 17 jas 105 kún tolyp otyr. Al tizimniń kósh basynda ıspanııalyq Ansý Fatı tur. Ol «Barselona» sapynda 2019 jyly Italııanyń «Inter» qaqpasyna gol alǵan kezde 17 jas 40 kúnge tolǵan edi. Ekinshi orynda «Barselonanyń» taǵy bir oıynshysy Lamın Iamal (17 jas, 68 kún) keledi. Lamın 2024 jyly «Monako» klýbynyń qaqpasyn nysanaǵa aldy.

Qolda bar málimetke qaraǵanda, qazirge deıin úzdik úshtikte belgııalyq «Antverpen» shabýylshysy Djordj Ilenıhena turǵan edi. Ol «Barselonanyń» qaqpasyna gol salǵan ýaqytta týǵanyna 17 jas 119 kún bolǵan.

Buǵan deıin «Qaırat» Portýgalııanyń «Sportınginen» 1:4, Ispanııanyń «Real Madrıdinen» 0:5, Italııanyń «Interinen» 1:2 esebimen jeńilse, Kıprdiń «Pafosymen» 0:0 esebimen teń tústi.

Endi «Qaırat» 9 jeltoqsanda Astanada Grekııanyń «Olımpıakos», 2026 jyldyń 20 qańtarynda Belgııanyń «Brıýgge» klýbymen, 28 qańtarda Anglııanyń «Arsenal» komandasymen oınaıdy.

Dastan KENJALIN,

ASTANA