Astanaǵa japon kúresiniń jampozy Ersin Baltaǵul kele jatyr

15 aqpanda saǵat 15.00-de Astana qalasyndaǵy Jaqsylyq Úshkempirov atyndaǵy Jekpe-jek saraıynda kásibı sýmo sheberi Ersin Baltaǵulmen kezdesý bolady, Qazaq Kuresi Assoıaııasynyń baspasóz qyzmeti.

Ersin Baltaǵul – qazaqtan shyqqan tuńǵysh kásibı sýmoshy ári qazirgi tańda Japonııada joǵary nátıjelerge jetken Qazaqstannyń jalǵyz ókili. Ol sporttyq jolyn qazaq kúresi men dzıýdodan bastap, ulttyq mektepten shyńdalyp, halyqaralyq deńgeıde tabysqa jetken.

Almaty qalasynyń týmasy Japonııadaǵy Nıhon ýnıversıtetin tamamdaǵannan keıin kásibı sýmoda Kınbozan Harýkı laqap atymen tanymal bolǵan. Boıy 195 santımetr, salmaǵy 178 keli sportshy búgingi tańda sýmo kúresiniń eń joǵarǵy dıvızıony – Makýýtıde óner kórsetýde.

Jekpe-jek saraıynda josparlanǵan kezdesýge qazaq kúresiniń absolıýtti salmaq dárejesinde synǵa túsip júrgen túıe balýandar, sondaı-aq Qazaqstan Barysy respýblıkalyq týrnıriniń jeńimpaz-júldegerleri – Ulan Rysqul, Rýslan Ábdirazaqov, Muhıt Tursynov, Marat Baıqamurov, Erasyl Qajybaev, Maqsat Isaǵabylov pen dzıýdodan Qazaqstan quramasynyń balýandary qatysady.

Is-sharada qatysýshylar Ersin Baltaǵuldyń sýmodaǵy kásibı joly, Japonııadaǵy daıyndyq júıesi, sýmo mádenıeti, sondaı-aq onyń ulttyq sporttan halyqaralyq arenaǵa shyǵý tájirıbesi jóninde tyń aqparat alý múmkindigine ıe bolady.

Kásibı sýmo sheberi Japonııada ótken «Haý basıo – 2025» kýbogynda úshinshi orynǵa ıe bolyp, el tarıhyndaǵy mańyzdy jetistikke jetken bolatyn. 15 kúnge sozylǵan týrnırde Kınbozan Harýkı qarsylastaryn 13 ret jeńip, 2 ret jeńilgen.

Akkredıtaııa: Qanat Atamanov, 87752922795 (vatsapp)