جاس ساۋداگەرلەر اراسىنان ۇزدىك تەننيسشىلەر انىقتالدى

الماتى قالاسى جاستار ساياساتى باسقارماسىنىڭ قولداۋىمەن «دۇيسەنبىلىك سپورت» جوباسى بويىنشا «Social project management» ورتالىعىنىڭ ۇيىمداستىرۋىمەن NEET ساناتىنداعى جاستار اراسىندا ۇستەل تەننيسىنەن تۋرنير ءوتتى. 

بۇقارالىق سپورتتى دامىتۋ جانە جاستاردى قولداۋ ماقساتىنداعى اتالمىش ءىس-شاراعا بازاردان، ساۋدا ورتالىقتارىندا جۇمىس ىستەيتىن 30 ساۋداگەر باق سىنادى.

سايىسقا تۇسكەن جاستار اراسىندا بولاشاقتا ۇلكەن دودالاردا توپ جارۋدى  ماقسات ەتكەندەر دە بار.

تۋرنير الماتى قالاسى Didda sport ۇستەل تەننيس ورتالىعىندا بولدى. وعان «قازىنا»، «ارلان»،  «كەنجەحان»، «بايسات» تاعى باسقا دا ساۋدا ورتالىقتارىندا جۇمىس ىستەيتىن جاستار قاتىستى.

العاشقى ىرىكتەۋ كەزىندە توپ توپقا ءبولىنىپ، ءوزارا ىرىكتەۋ ويىندارىن وتكىزدى. شيرەك فينال مەن جارتىلاي فينالدىق سايىسقا سۇرىنبەي جەتكەن جاستار اراسىنداعى ويىن تارتىستى ءوتتى.

تۋرنير قورتىندىسى بويىنشا، ءبىرىنشى ورىن العان جارقىن دۇيسەنگە («باتىر» بازارى) 250 مىڭ تەڭگەنىڭ، ەكىنشى ورىندى يەلەنگەن اباي نۇرعازىعا («جاڭا ياليان» بازارى) 150 مىڭ تەڭگەنىڭ، ءۇشىنشى ورىنعا يە بولعان الماس كايپەك («بايسات» بازارى) پەن شاحسۇلتان حودجاشەۆكە («التىن وردا» بازارى) 50 مىڭ تەڭگەنىڭ اقشالاي جۇلدەسى بۇيىردى.

جەڭىمپازدارعا سەرتيفيكاتتاردى، مەدال، كۋبوكتاردى قول كۇرەستەن سپورت شەبەرى زامانبەك كەجدەنبەك تابىس ەتتى.

بۇعان دەيىن «دۇيسەنبىلىك سپورت» جوباسى اياسىندا الماتى قالاسى بازار جاستارىنىڭ اراسىندا كيبەرسپورتتان تۋرنير وتكەن بولاتىن. ەندى الداعى ۋاقىتتا «دۇيسەنبىلىك سپورت» جوباسى اياسىندا NEET ساناتىنداعى جاستار اراسىندا ۆولەيبولدان، سۋعا جۇزۋدەن، شاعىن فۋتبولدا تۋرنيرلەر ۇيىمداستىرۋ جوسپاردا بار.

ءنازيرا بۋرحانوۆا،

الماتى