Jas saýdagerler arasynan úzdik tennısshiler anyqtaldy

Almaty qalasy Jastar saıasaty basqarmasynyń qoldaýymen «Dúısenbilik sport» jobasy boıynsha «Social project management» ortalyǵynyń uıymdastyrýymen NEET sanatyndaǵy jastar arasynda ústel tennısinen týrnır ótti. 

Buqaralyq sportty damytý jáne jastardy qoldaý maqsatyndaǵy atalmysh is-sharaǵa bazardan, saýda ortalyqtarynda jumys isteıtin 30 saýdager baq synady.

Saıysqa túsken jastar arasynda bolashaqta úlken dodalarda top jarýdy  maqsat etkender de bar.

Týrnır Almaty qalasy Didda sport ústel tennıs ortalyǵynda boldy. Oǵan «Qazyna», «Arlan»,  «Kenjehan», «Baısat» taǵy basqa da saýda ortalyqtarynda jumys isteıtin jastar qatysty.

Alǵashqy irikteý kezinde top topqa bólinip, ózara irikteý oıyndaryn ótkizdi. Shırek fınal men jartylaı fınaldyq saıysqa súrinbeı jetken jastar arasyndaǵy oıyn tartysty ótti.

Týrnır qortyndysy boıynsha, birinshi oryn alǵan Jarqyn Dúısenge («Batyr» bazary) 250 myń teńgeniń, ekinshi oryndy ıelengen Abaı Nurǵazyǵa («Jańa Ialıan» bazary) 150 myń teńgeniń, úshinshi orynǵa ıe bolǵan Almas Kaıpek («Baısat» bazary) pen Shahsultan Hodjashevke («Altyn orda» bazary) 50 myń teńgeniń aqshalaı júldesi buıyrdy.

Jeńimpazdarǵa sertıfıkattardy, medal, kýboktardy qol kúresten sport sheberi Zamanbek Kejdenbek tabys etti.

Buǵan deıin «Dúısenbilik sport» jobasy aıasynda Almaty qalasy bazar jastarynyń arasynda kıbersporttan týrnır ótken bolatyn. Endi aldaǵy ýaqytta «Dúısenbilik sport» jobasy aıasynda NEET sanatyndaǵy jastar arasynda voleıboldan, sýǵa júzýden, shaǵyn fýtbolda týrnırler uıymdastyrý josparda bar.

Názıra BÝRHANOVA,

ALMATY