Murat Nurǵazınniń rekord tasy «Qazaq kúshiniń kartasyna» tirkeldi

Astanalyq palýan Murat Nurǵazınniń álemdik rekordtyq tasy «Qazaq kúshiniń kartasyna» Aqmolanyń «Oıyn Balýan tasy» retinde tirkeldi. Bul týraly «Baluan tas» ulttyq sport túrleri jáne mádenıeti akademııasynyń prezıdenti Abylaıhan Qalnazarov aıtty, dep habarlaıdy Egemen.kz.

Aqmola oblysy elınograd aýdany Qajymuqan aýylynda ótken Qajymuqan Muńaıtpasulynyń 155 jyldyq mereıtoıyna arnalǵan is-sharalar aıasynda qazaqtyń kúsh ónerine qatysty mańyzdy tarıhı oqıǵa boldy.

«Ataqty balýantasshy, kúsh ónerin dáripteýshi Murat Nurǵazın Kúsh atasynan ónege bolǵan kúshtik nómirin jańa salmaqpen qaıtalap, 120 kelilik beton blokty keýdesine qoıyp, denesiniń «kópir» qalpyn saqtaı, 10 kelilik balǵamen syndyrý arqyly óziniń álemdik rekordyn jańartty», dedi akademııanyń prezıdenti.

Onyń aıtýynsha, osy jetistikti GBR – The World Book of Records for Asia and Africa rekordtar komıssııasy resmı túrde rastady. Sertıfıkatta rekordtyń resmı tirkelgen kúni «2026 jylǵy 8 tamyz» dep kórsetilgen. Qujatta «Rekord ıegeri retinde Murat Myrzagalıevıch Nurǵazın, Qazaqstan Respýblıkasy, Aqmola oblysy, Qajymuqan aýyly» dep kórsetilgen. Tirkeý nómiri – GBR-AA-2026-NURGAZIN-005/53.

Osylaısha, M.Nurǵazın GBR rekordynyń eki dúrkin ıegeri atandy. Al «Baluan tas» akademııasy júrgizip otyrǵan «Qazaq kúshiniń kartasyna» jańa tarıhı nysan qosyldy.

Atalmysh kartalyq jobanyń negizgi maqsaty – Uly dala kúsh mádenıetiniń materıaldyq jáne sımvoldyq murasyn júıelep, tarıhı batyr-balýandardyń izin, kúsh synaǵan oryndaryn, balýantas nysandaryn jáne qazirgi zamanǵy aýtentıkalyq tastyq rekordtardy birtutas mádenı kartaǵa túsirý.

«Biz úshin bul jaı ǵana sporttyq rekord emes. Bul qazaqtyń dástúrli kúsh mádenıetiniń búgingi kúndegi jalǵasy. Qajymuqan atamyzdyń esimimen baılanysty tarıhı jerde jańa rekordtyń jasalýynyń ózi sımvoldyq mánge ıe. Ásilinde, balýantastar bes topqa bólinedi. Bul rette Murattyń rekord ornatqan aýyr tasyn «Qazaq kúshiniń kartasyna» Aqmolanyń «Oıyn Balýan tasy» retinde tirkeý týraly sheshim qabyldadyq. Bul tas endi naqty álemdik jetistiktiń ǵana emes, Qajymuqan dástúriniń jalǵastyǵyn kórsetetin mádenı nysan retinde qarastyrylady», dedi Abylaıhan Qalnazarov.

Onyń aıtýynsha, «Kúsh kartasy» ýaqyt óte kele elimizdiń ár óńirindegi qazaqtyń kúsh mádenıetine qatysty derekterdi biriktiretin ulttyq mádenı-tanymdyq bazaǵa aınalýy tıis.

О́z kezeginde rekord ıegeri Murat Nurǵazın jańa jetistigin Qajymuqan Muńaıtpasulynyń mereıtoıymen baılanystyryp, bul rekordtyń ózi úshin aıryqsha mańyzǵa ıe ekenin atap ótti.

«Qajymuqan atamyzdyń atyn arqalaǵan aýylda, onyń mereıtoıy aıasynda osyndaı preedent jasaý – men úshin zor mártebe. Buǵan deıingi kórsetkishimdi jańa salmaqpen jańartýdy maqsat ettim. Burynǵylarynan da aýyr zilbatpan tasty kóterip, keýdede ustap, balǵamen syndyrý úlken fızıkalyq daıyndyqty, tózimdilikti jáne tehnıkany talap etedi. Bul jetistik eń aldymen qazaqtyń kúsh ónerine, Qajymuqan atamyzdyń rýhyna degen qurmetim», dedi Murat Nurǵazın.

Qajynyń aıtýly mereıtoıyn azamattyq qoǵam atynan uıymdastyrýǵa atsalysqan, Qajymuqan aýylynyń turǵyny Tańat Omarov bul oqıǵanyń aýyl úshin de erekshe máni bar ekenin aıtty.

«Búgingi eren qımyl – úlken tarıhı sabaqtastyqty bildiredi. Qaharman babalar murasyn búgingi urpaqtyń jalǵastyryp jatqanyn osyndaı naqty isterden kóremiz. Ásirese rekordtyń dál osy jerde jasalyp, onyń «Qazaq kúshiniń kartasyna» engizilýi aýylymyzdyń tarıhy men rýhanı mańyzyn arttyra túsedi. Bul tas keıingi urpaqqa da Qajymuqannyń kıeli jolyn eske salatyn nyshan bolady dep oılaımyn. Jalpy búkil is-sharaǵa azamattyq qoǵam atynan atsalýshylar – Raýan Seıdahmetov, Ásemgúl Sharagaeva, Asylhan Atanov, Oljas Mınkın, Azamat Kenesov, Janat Nakýpov, Ánýar Mahmetovter de osy ustanymda. Barshaǵa rahmet!», dedi Tańat Omarov.

«Baluan tas» akademııasy úshin M.Nurǵazınniń rekordy – dástúrli kúsh mádenıetiniń qazirgi álemdik sporttyq praktıkamen sabaqtastyǵyn kórsetetin mańyzdy derek. Iaǵnı, «Balýantas» uǵymy tek aýyr tasty kóterý nemese onymen kúsh synasý dástúrimen shektelmeıdi. Ol qazaq qoǵamyndaǵy kúsh, erlik, tózimdilik, namys, márttik jáne urpaq sabaqtastyǵy sııaqty qundylyqtardyń materıaldyq kórinisi retinde qarastyrylady. Osy turǵydan alǵanda, Qajymuqan aýylynda tirkelgen jańa rekordtyq tas Aqmola óńiriniń qazirgi zamanǵy «Balýan tasy» retinde «Qazaq kúshiniń kartasyndaǵy» jańa núktege aınalyp otyr.

«Baluan tas» ulttyq sport túrleri jáne mádenıeti akademııasy aldaǵy ýaqytta Qazaqstannyń ózge óńirlerindegi tarıhı jáne zamanaýı balýantas nysandaryn anyqtap, olardy «Qazaq kúshiniń kartasyna» júıeli túrde engizýdi jalǵastyrady. Buǵan deıin Túrkistan oblysyna jasalǵan «Balýan tas sapary» ekspedıııasy aıasynda 2 sımvoldyq, 13 zattyq balýan tas tirkelgen bolatyn. Bul jolǵy tas ta zattyq balýan tas jádigerine jatady.

Qazaq kúshiniń tarıhy jalǵasýda.

Ár tas – tarıh. Ár rekord – ult jadynyń jańǵyrýy.

Bıyl sáýir aıynda Astana qalasynan bir top azamat «Balýan tas sapary» ekspedıııasymen Túrkistan oblysyna baryp, Saıram, Ordabasy, Sozaq, Báıdibek, Otyrar, Saýran aýdandaryn aralap qaıtty. Bul joba Túrkistan oblysy ákimdiginiń qoldaýymen «Qazaq kúshiniń kartasy» aıasynda uıymdastyryldy. Birneshe kúnge sozylǵan saparda ekspedıııa músheleri tarıhı balýantas­tar­ǵa kýá boldy.

Oǵan deıin Naýryz meıramy qarsańynda Túrkistan oblysy Otyrar aýdanynyń ortalyǵy Sháýildirde kóne «Balýan tas kóterý» rásimi qaıta jańǵyrdy. Bul is-shara Abylaıhan Qalnazarov degen jergilikti azamattyń bastamasymen iske asty. Tasty aqmolalyq aıtýly palýan Arman Súleımen kóterdi. Jalpy, balýantas týraly aıtatyn áńgime kóp. Onyń máni men mańyzy jaıynda maqalalar kóptep shyǵyp jatyr.

Jalpy, babalarymyzdyń balýandyq óneriniń bir belgisi sanalatyn balýantas týraly aıtatyn áńgime kóp. Sonyń biri Torǵaı aımaǵyndaǵy jaratylysy kórkem jerlerdiń biri – Maıatas óńirinde jatqan balýantas týraly áńgime. Buryn Maıatas Sarytorǵaı keńsharynyń bir bólimshesiniń ortalyǵy edi. Osy jer kóneniń kózindeı bolyp jatqan balýantas jaqynda Arqalyq qalasyndaǵy sport kesheniniń aldyna qoıyldy.