«8 mlrd teńge»: Mınıstrlik málimdeme jasady

Astanada Sport kúni qarsańynda ótip jatqan «Qazaqstandaǵy sport – reformalardan nátıjege deıin. Dene shynyqtyrý jáne sport týraly jańa zańdy iske asyrý qorytyndylary» atty sport konferenııasyndaǵy  plenarlyq sessııalarda saladaǵy aýqymdy reformalardyń alǵashqy nátıjeleri talqylandy, dep habarlaıdy Egemen.kz.

Týrızm jáne sport mınıstrliginiń habarlaýynsha, memleket basshysynyń tapsyrmalaryn oryndaý maqsatynda vedomstvo ázirlegen jańa zań salany júıeli jańǵyrtýdyń negizgi tetigine aınaldy. Reforma aıasynda memleket qarjylandyrýdyń neǵurlym ashyq modeline kóship, qarajattyń tıimsiz jumsalýyn azaıtty. Sondaı-aq sport rezervi men basym baǵyttardy qoldaýdy kúsheıtti.

Qazirdiń ózinde reformalardyń naqty nátıjeleri bar.
8 mlrd teńgeden astam bıýdjet qarajaty únemdeldi. Buǵan kásibı klýbtardy qarjylandyrýǵa lımıt engizý jáne legıonerlerdi bıýdjet esebinen qarjylandyrýdan bas tartý yqpal etti.

Balalar sportyna bólinetin qarjy eki esege jýyq artty. Sport mektepterindegi bir tárbıelenýshige arnalǵan jyldyq qarjylandyrý 233 myń teńgeden 415 myń teńgege deıin kóbeıdi.
Jattyqtyrýshylardyń jalaqysy 30%-ǵa ósti. Sport mektepteriniń jattyqtyrýshy-oqytýshylarynyń eńbekaqysyn kezeń-kezeńimen arttyrý bastaldy. Qazirgi tańda 3 511 jattyqtyrýshy-oqytýshy tıisti testileýge qatysqan.

«Búginde biz sportshylar men sport salasynyń ókilderi retinde reformalardyń jaı ǵana qujat emes ekenin is júzinde kórip otyrmyz. Mınıstrliktiń atqarǵan jumysy – bizdiń salaǵa uzaq ýaqyt boıy jetispeı kelgen ózgerister. Bul ózgerister qazirdiń ózinde nátıje berip jatyr. Onyń naqty kórinisi – sportshylarymyzdyń jeńisteri», dedi «Sportshylar keńesi» atqarý komıtetiniń tóraǵasy, kúresten Olımpıada chempıony Iýrıı Melnıchenko.

Sessııada sport uıymdaryn basqarý júıesindegi ózgerister de atap ótildi. 2025 jylǵy qyrkúıekten bastap basshylardy rotaııalaýdyń biryńǵaı tártibi engizildi. Al sport uıymdarynyń birinshi basshylaryn taǵaıyndaý ashyq konkýrstyq negizde iske asyrylady.

Búgingi tańda 112 taǵaıyndaýdyń 86-sy nemese 76%-y konkýrs nátıjesinde júzege asty. Qazaqstan sport salasyndaǵy reformalardyń naqty nátıjesin kóre bastady. Bıýdjet qarajatyn paıdalaný tıimdiligi artyp, sportshylar men jattyqtyrýshylardy qoldaý kúsheıtilýde. Sonymen qatar sport rezervin daıarlaý júıesi jetildirilip, salany basqarý tıimdiligi artyp, sportqa jeke ınvestıııa tartýǵa qolaıly jaǵdaı qalyptasyp keledi.

Jalpy, konferenııa Sport kúni qarsańynda ótip jatqannan keıin elimizdiń barlyq óńirinde bir apta boıy túrli sporttyq is-sharalar uıymdastyrylady.