Balýandar Bakýde álem chempıonaty kezinde daýys berdi

Qazaq kúresinen Ázerbaıjannyń Baký qalasynda ótip jatqan álem chempıonaty kezinde Qazaqstan quramasynyń balýandary Quryltaı depýtattarynyń saılaýyna qatysyp, daýys berdi, dep habarlaıdy  Qazaq Kuresi qaýymdastyǵynyń baspasóz qyzmeti.

Ulttyq qurama ókilderi Qazaqstan Respýblıkasynyń Ázerbaıjandaǵy elshiligine baryp, elshilik janynan ashylǵan №426 saılaý ýchaskesinde óz tańdaýyn jasady.

Saılaý ýchaskesinde qazaq kúresinen Álem kýboginiń ıegeri, álem chempıony Rýzımon Týgýshev, Azııa jáne eki dúrkin álem chempıony Ernur Súleıman, úsh dúrkin álem chempıony Jumajan Qojambekov, álem chempıonatynyń kúmis jáne qola júldegerleri Ardaq Nursaq pen Janat Qazez daýys berdi.

Buǵan deıin habarlanǵandaı, Bakýde 12 eldiń ókili qazaq kúresin damytýdy qolǵa alyp, yntymaqtastyq týraly memorandýmǵa qol qoıdy.