• Қазақ
  •   
  • Qazaq
  •   
  • قازاق
  •   
  • Рус
  •   
    قازاقستان شاحمات فەدەراتسياسى

    شاحماتشىلار ازيا ۇلتتارى كۋبوگىندا شەبەرلىگىن كورسەتتى

    شاحماتتان بىرىككەن اراب امىرلىكتەرىنىڭ استاناسى ابۋ-دابي قالاسىندا وتكەن Asian Nations Chess Cup 2026 ءتۋرنيرىنىڭ شەشۋشى كەزەڭىندە قازاقستان قىزدار قۇراماسى ءۇندىستان كومانداسىن 2،5:1،5 ەسەبىمەن جەڭىپ، قولا جۇلدەگە يە بولدى. ال ەرلەر قۇراماسى سوڭعى ويىندا موڭعوليادان باسىم ءتۇسىپ، ءتۋرنيردى ءتورتىنشى ورىنمەن قورىتىندىلادى، دەپ حابارلايدى SportPress.kz.

    قازاقستان شاحمات فەدەراتسياسىنىڭ مالىمەتىنە قاراعاندا، ارۋلار جارىستى جەڭىسپەن باستادى. قىزدار كومانداسى العاشقى اينالىمدا شري-لانكا مەن وزبەكستان قۇرامالارىن بىردەي 3:1 ەسەبىمەن جەڭدى. ءۇشىنشى كەزەڭدە رەسەيگە ەسە جىبەرگەنىمەن (1،5:2،5)، كەلەسى كەزدەسۋدە جاڭا زەلانديانى 4:0 ەسەبىمەن باسىم ءتۇستى. الايدا قىتاي قۇراماسىنان جەڭىلگەننەن كەيىن (0،5:3،5) كوماندا تۋرنير كەستەسىندە ءتورتىنشى ورىنعا يە بولدى.

    وتانداستارىمىز مارەگە ءبىر كەزەڭ قالعاندا موڭعوليانى 3،5:0،5 ەسەبىمەن جەڭىپ، ۇزدىك ۇشتىككە قايتا ورالدى. بۇل ماتچتا كسەنيا بالاباەۆا، ەلناز قالياحمەت پەن ليا قۇرمانعاليەۆا ءوز پارتيالارىندا جەڭىسكە جەتسە، مەرۋەرت كاماليدەنوۆا تەڭ ءتۇستى. جالپى ەسەپتە قازاقستان قۇراماسى قولا مەدال يەلەندى. كۇمىس جۇلدە قىتايعا، التىن مەدال رەسەي قۇراماسىنا بۇيىردى.

    ەرلەر قۇراماسى ءتۋرنيردى ءباا-ءنىڭ ەكىنشى كومانداسى (4:0) مەن شري-لانكانى (3:1) جەڭىپ، ءساتتى باستادى. ءۇشىنشى تۋردا ۇندىستانعا جول بەرگەنىمەن (0،5:3،5)، ءباا-ءنىڭ نەگىزگى قۇرامىن 3،5:0،5 ەسەبىمەن جەڭدى. رەسەيمەن ءتورت رەت تەڭ (2:2) وينادى. كەلەسى كەزەڭدە دەنيس ءماحنيوۆتىڭ جەڭىسى مەن ءۇش تەڭ ويىن قازاقستانعا وزبەكستاندى 2،5:1،5 ەسەبىمەن جەڭۋگە مۇمكىندىك بەردى.

    جەتىنشى كەزەڭدە قازاقستان كومانداسى قىتايعا ەسە جىبەرگەنىمەن (1،5:2،5)، قالعان ەكى كەزدەسۋدى جەڭىسپەن اياقتادى. مالايزيامەن ويىندا (3،5:0،5) دەنيس ماحنيوۆ، جاندوس اعمانوۆ پەن دانيال ساپەنوۆ جەڭىسكە جەتتى. موڭعوليامەن ماتچ تا ءدال وسىنداي ەسەپپەن اياقتالدى. الديار اڭسات، الىشەر سۇلەيمەنوۆ پەن دانيال ساپەنوۆ قارسىلاستارىنان باسىم تۇسسە، جاندوس اعمانوۆ ۇپاي ءبولىستى.

    وسىلايشا، ەرلەر قۇراماسى توعىز ماتچتىڭ التاۋىندا جەڭىسكە جەتىپ، بىرەۋىن تەڭ اياقتاپ، ەكەۋىندە جەڭىلىپ، 13 كوماندالىق ۇپاي جينادى. ناتيجەسىندە قىتاي ءۇشىنشى، قوسىمشا كورسەتكىشتەر بويىنشا ءۇندىستان ەكىنشى، ال رەسەي ءبىرىنشى ورىن الدى.

    كلاسسيكالىق شاحماتتان ازيا ۇلتتارى كۋبوگى 10 – 17 قاراشا ارالىعىندا ءباا استاناسى ابۋ-دابيدە ءوتتى. جارىسقا 12 ايەل جانە 20 ەر قۇراماسى قاتىستى. شۆەيتساريالىق جۇيە بويىنشا ۇيىمداستىرىلعان تۋرنيردە ەرلەر 9 تۋر، ايەلدەر 7 تۋر وينادى. ۋاقىت باقىلاۋى 90+30 ء(ار پارتياعا 90 مينۋت جانە ءبىرىنشى جۇرىستەن باستاپ ءار جۇرىسكە 30 سەكۋند قوسىلادى).

    قازاقستان ايەلدەر قۇراماسى:

    IM مەرۋەرت كاماليدەنوۆا (2400);

    WGM كسەنيا بالاباەۆا (2396);

    WIM ەلناز قالياحمەت (2383);

    WGM ليا قۇرمانعاليەۆا (2344);

    WIM زارينا نۇرعاليەۆا (2292).

    قازاقستان ەرلەر قۇراماسى:

    GM دەنيس ماحنيوۆ (2581);

    GM الىشەر سۇلەيمەنوۆ (2508);

    GM الديار اڭسات (2502);

    IM دانيال ساپەنوۆ (2501);

    GM جاندوس اعمانوۆ (2487).

     

    پىكىر جازۋ

    Your email address will not be published. Required fields are marked *

    *