• Қазақ
  •   
  • Qazaq
  •   
  • قازاق
  •   
  • Рус
  •   
    Qazaqstan shahmat federaııasy

    Shahmatshylar Azııa ulttary kýbogynda sheberligin kórsetti

    Shahmattan Birikken Arab Ámirlikteriniń astanasy Abý-Dabı qalasynda ótken Asian Nations Chess Cup 2026 týrnıriniń sheshýshi kezeńinde Qazaqstan qyzdar quramasy Úndistan komandasyn 2,5:1,5 esebimen jeńip, qola júldege ıe boldy. Al erler quramasy sońǵy oıynda Mońǵolııadan basym túsip, týrnırdi tórtinshi orynmen qorytyndylady, dep habarlaıdy SportPress.kz.

    Qazaqstan shahmat federaıasynyń málimetine qaraǵanda, arýlar jarysty jeńispen bastady. Qyzdar komandasy alǵashqy aınalymda Shrı-Lanka men О́zbekstan quramalaryn birdeı 3:1 esebimen jeńdi. Úshinshi kezeńde Reseıge ese jibergenimen (1,5:2,5), kelesi kezdesýde Jańa Zelandııany 4:0 esebimen basym tústi. Alaıda Qytaı quramasynan jeńilgennen keıin (0,5:3,5) komanda týrnır kestesinde tórtinshi orynǵa ıe boldy.

    Otandastarymyz márege bir kezeń qalǵanda Mońǵolııany 3,5:0,5 esebimen jeńip, úzdik úshtikke qaıta oraldy. Bul matchta Ksenııa Balabaeva, Elnaz Qalıahmet pen Lııa Qurmanǵalıeva óz partııalarynda jeńiske jetse, Merýert Kamalıdenova teń tústi. Jalpy esepte Qazaqstan quramasy qola medal ıelendi. Kúmis júlde Qytaıǵa, altyn medal Reseı quramasyna buıyrdy.

    Erler quramasy týrnırdi BAÁ-niń ekinshi komandasy (4:0) men Shrı-Lankany (3:1) jeńip, sátti bastady. Úshinshi týrda Úndistanǵa jol bergenimen (0,5:3,5), BAÁ-niń negizgi quramyn 3,5:0,5 esebimen jeńdi. Reseımen tórt ret teń (2:2) oınady. Kelesi kezeńde Denıs Mahnıovtiń jeńisi men úsh teń oıyn Qazaqstanǵa О́zbekstandy 2,5:1,5 esebimen jeńýge múmkindik berdi.

    Jetinshi kezeńde Qazaqstan komandasy Qytaıǵa ese jibergenimen (1,5:2,5), qalǵan eki kezdesýdi jeńispen aıaqtady. Malaızııamen oıynda (3,5:0,5) Denıs Mahnıov, Jandos Aǵmanov pen Danııal Sápenov jeńiske jetti. Mońǵolııamen match ta dál osyndaı eseppen aıaqtaldy. Aldııar Ańsat, Álisher Súleımenov pen Danııal Sápenov qarsylastarynan basym tússe, Jandos Aǵmanov upaı bólisti.

    Osylaısha, erler quramasy toǵyz matchtyń altaýynda jeńiske jetip, bireýin teń aıaqtap, ekeýinde jeńilip, 13 komandalyq upaı jınady. Nátıjesinde Qytaı úshinshi, qosymsha kórsetkishter boıynsha Úndistan ekinshi, al Reseı birinshi oryn aldy.

    Klassıkalyq shahmattan Azııa ulttary kýbogy 10 – 17 qarasha aralyǵynda BAÁ astanasy Abý-Dabıde ótti. Jarysqa 12 áıel jáne 20 er quramasy qatysty. Shveıarııalyq júıe boıynsha uıymdastyrylǵan týrnırde erler 9 týr, áıelder 7 týr oınady. Ýaqyt baqylaýy 90+30 (ár partııaǵa 90 mınýt jáne birinshi júristen bastap ár júriske 30 sekýnd qosylady).

    Qazaqstan áıelder quramasy:

    IM Merýert Kamalıdenova (2400);

    WGM Ksenııa Balabaeva (2396);

    WIM Elnaz Qalıahmet (2383);

    WGM Lııa Qurmanǵalıeva (2344);

    WIM Zarına Nurǵalıeva (2292).

    Qazaqstan erler quramasy:

    GM Denıs Mahnıov (2581);

    GM Álisher Súleımenov (2508);

    GM Aldııar Ańsat (2502);

    IM Danııal Sápenov (2501);

    GM Jandos Aǵmanov (2487).

     

    Pikir jazý

    Your email address will not be published. Required fields are marked *

    *