• Қазақ
  •   
  • Qazaq
  •   
  • قازاق
  •   
  • Рус
  •   
    Aqorda

    Iasmına Toqsanbaevaǵa páter tapsyryldy

    Týrızm jáne sport mınıstri Erbol Myrzabosynov jeńil atletıkadan bıylǵy jazǵy Azııa oıyndaryna qatysqan Iasmına Toqsanbaevaǵa qatysty jaǵdaıǵa pikir bildirip, sportshyǵa kórsetilgen qoldaý týraly aıtty.

    «Iasmına Toqsanbaevanyń máselesi boıynsha jeńil atletıka federaııasy Sporttyq arbıtrajdyq sotqa (CAS) ótinish joldaǵany ras. Degenmen bul jerde eń bastysy – aldaǵy ýaqytta mundaı jaǵdaıǵa jol bermeý. Bul máselede bir adamdy kinálaý qıyn, sondyqtan báriniń de kinási bar. Biraq eń bastysy – sportshylardy qoldaý qajet. Aldymyzda Olımpııa oıyndary kele jatyr. Iasmınanyń Azııa oıyndaryndaǵy nátıjesi Olımpıadada júlde alýǵa múmkindik beretin kórsetkish. Sondyqtan federaııa tarapynan bıýdjetten tys qarajat esebinen oǵan páter kilti tabys etildi. Sondaı-aq onyń buǵan deıin kórsetken jaqsy nátıjeleri eskerilip, memlekettik nagradaǵa usynyldy. Bizdiń basty maqsatymyz – sportshylardy jan-jaqty qoldaý»,  dedi mınıstr.

    Buǵan deıin Iasmına Toqsanbaeva Ońtústik Koreıanyń Gýmı qalasynda jeńil atletıkadan ótken Azııa chempıonatynda Qazaqstan quramasynyń qorjynyna alǵashqy júldeni ákelip, qola medaldi jeńip alǵan bolatyn. Al jaqynda Japonııanyń Aıchı prefektýrasy men onyń ortalyǵy Nagoıa qalasynda jalaýy jelbiregen jazǵy Azııa oıyndarynda ol márege birinshi kelip, chempıon atanǵanymen, onyń nátıjesi qarsylastarynyń narazylyǵynan keıin esepke alynbady. Iasmına Toqsanbaevanyń qarsylastary onyń aıaq kıimine shúıligip, protest jazǵan bolatyn. Al jarysty uıymdastyrýshylar sportshynyń krossovkıine ruqsat berse de protest bergen elderdiń jaǵyna shyǵyp, Qazaqstan sportshysyn júldeden aıyryp tastady.

     

    Dastan KENJALIN,

    ASTANA

    Pikir jazý

    Your email address will not be published. Required fields are marked *

    *