Almatyda stýdentter akademık Sadyqovty eske aldy

Almatydaǵy Ortalyq mádenıet jáne demalys saıabaǵynda ornalasqan «Spartak» stadıonynda joǵary oqý oryndary arasynda shaǵyn fýtboldan 26 jyl Abaı atyndaǵy Qazaq Ulttyq pedogogıkalyq ýnıversıtetiniń rektor bolǵan, tarıh ǵylymdarynyń doktory, professor, QR ǵylym men tehnıka salasyna eńbegi sińgen qaıratker, QR Ulttyq ǵylym akademııasynyń akademıgi Toqmuhamet Sálmenuly Sadyqovty eske alýǵa arnalǵan jarys jalaýyn kóterdi.

Abaı atyndaǵy Qazaq Ulttyq pedogogıkalyq ýnıversıtetiniń uıytqy bolýymen  kóp jyldar boıy ótkizilip kele jatqan aıtýly dop dodasy stýdentterdiń fýtbolǵa degen qulshynysyn damytý jolyndaǵy dástúrli jarystyń birine aınalǵan. «Deni saýdyń jany saý»,  – demekshi, joǵary oqý oryndarynda deni saý urpaq tárıbeleý egemendi elimiz úshin mańyzy zor dep bilemiz. Sondyqtan da  týrnırdi uıymdastyrýshylardyń  negizi maqsaty, jastardy  sport arqyly  baýlap, salamatty ómir saltyn qalyptastyrý.

Jarystyń saltanatty ashylýyna qatysqan  Abaı atyndaǵy Qazaq  UPÝ rektory Tahır Ospanuly Balyqbaev, Erkin Toqmuhametuly Sadyqov, Deneshynyqtyrý jáne sport kafedrasynyń meńgerýshisi, professor  Erǵalı Muhıddınuly  Muhıddınov stýdentterge sáttilik tiledi. Bul jarysqa qatysýǵa bıyl Almaty qalasy boıynsha 8 astam joǵary oqý oryndarynyń komandalary saılanyp kelgen eken. Oıyn alańyna  shyqqan jalyndy jastar jeńis úshin bar sheberlikterin saldy.

Bıyl ǵana kúrdeli jóndeýden ótip, qoldanysqa berilgen sý jańa stadıonda  dop tepken jalyndy jastar jeńis úshin jan aıamaı ónerlerin kórsetýde. Kóp jyldyq tarıhy bar bul stadıonda kezinde qanshama dúbirli jarystar ótti deseńshi. Bul stadıon atalǵan bilim ordasynyń qaramaǵynda bolǵandyqtan, ýnıversıtettiń stýdentteri osy sport alańynda deneshynyqtýrý jáne sport sabaqtaryn ótkizedi. Negizi sportqa janashyrlyq, qamqorlyq bolǵan jaǵdaıda jetistikte bolary sózsiz. Sondyqtan da, oqý orny tarapynan jasalynyp jatqan barlyq jaǵdaılar stýdent jastar úshin ekeni belgili. Al, egemendi elimizdiń erteńi jastardyń qolynda.

Sonymen, aıtýly jarystyń fınalyna shyqqan komanda 25 qazan kúni belgili bolady. Osy kúni júldegerler baǵaly syılyqtarmen marpattalady.

Aqyn ORDABAIULY,

ALMATY