Onlaın týrnırler taptyrmas alańǵa aınaldy

Bilim jáne ǵylym mınıstrligi «Ulttyq ǵylymı-praktıkalyq dene tárbıesi ortalyǵy» men Toǵyzqumalaq sporty federaııasy birlesip,  joǵary oqý oryndarynyń stýdentteri arasynda  toǵyzqumalaqtan onlaın týrnır ótkizdi.  Oǵan 89 stýdent qatysty.  Saıys Iggamecenter.com  platformasynda ótti. Bul týraly mınıstrliktiń atalǵan ortalyǵy habarlady.

Týrnırde uldar arasynda birinshi oryndy Rınat Kereıbaev (Pavlodar MPÝ) jeńip aldy. Ekinshi oryndy M.Saparbaev atyndaǵy OQGI-nyń stýdenti  Abylaıhan Súleımen ıelense, úshinshi oryndy Azamat Qaıdarov (Aqtóbe О́MÝ) pen Qorqyt ata atyndaǵy QMÝ-niń ókili Asylbek Qarjaýbaev bólisti.

Qyzdar arasynda Pavlodar MPÝ-niń stýdenti Arýjan Abdyhanova jeńimpaz atandy. Kúmis júldege Gúljanat Aldabergenova (Aqtóbe О́MÝ) ıe bolsa, qola medaldi Rahmatýllaeva Arýjan (QazUMÝ) men Qazaq bas  sáýlet qurylys akademııasynyń stýdenti Aıtolǵan Ájtúrli qanaǵat tutty.

Jeńimpazdar Rınat Kereıbaev pen Arýjan Abdyhanova jarystyń óte qyzyqty ári tartysty ótkenin, aldaǵy ýaqytta da osyndaı jarystarda baq synaǵysy keletinderin aıtty.