• Қазақ
  •   
  • Qazaq
  •   
  • قازاق
  •   
  • Рус
  •   

    ونلاين تۋرنيرلەر تاپتىرماس الاڭعا اينالدى

    ءبىلىم جانە عىلىم مينيسترلىگى «ۇلتتىق عىلىمي-پراكتيكالىق دەنە تاربيەسى ورتالىعى» مەن توعىزقۇمالاق سپورتى فەدەراتسياسى بىرلەسىپ،  جوعارى وقۋ ورىندارىنىڭ ستۋدەنتتەرى اراسىندا  توعىزقۇمالاقتان ونلاين تۋرنير وتكىزدى.  وعان 89 ستۋدەنت قاتىستى.  سايىس Iggamecenter.com  پلاتفورماسىندا ءوتتى. بۇل تۋرالى مينيسترلىكتىڭ اتالعان ورتالىعى حابارلادى.

    تۋرنيردە ۇلدار اراسىندا ءبىرىنشى ورىندى رينات كەرەيباەۆ (پاۆلودار مپۋ) جەڭىپ الدى. ەكىنشى ورىندى م.ساپارباەۆ اتىنداعى وقگي-نىڭ ستۋدەنتى  ابىلايحان سۇلەيمەن يەلەنسە، ءۇشىنشى ورىندى ازامات قايداروۆ (اقتوبە ءومۋ) پەن قورقىت اتا اتىنداعى قمۋ-ءنىڭ وكىلى اسىلبەك قارجاۋباەۆ ءبولىستى.

    قىزدار اراسىندا پاۆلودار مپۋ-ءنىڭ ستۋدەنتى ارۋجان ابدىحانوۆا جەڭىمپاز اتاندى. كۇمىس جۇلدەگە گۇلجانات الدابەرگەنوۆا (اقتوبە ءومۋ) يە بولسا، قولا مەدالدى راحماتۋللاەۆا ارۋجان (قازۇمۋ) مەن قازاق باس  ساۋلەت قۇرىلىس اكادەمياسىنىڭ ستۋدەنتى ايتولعان ءاجتۇرلى قاناعات تۇتتى.

    جەڭىمپازدار رينات كەرەيباەۆ پەن ارۋجان ابدىحانوۆا جارىستىڭ وتە قىزىقتى ءارى تارتىستى وتكەنىن، الداعى ۋاقىتتا دا وسىنداي جارىستاردا باق سىناعىسى كەلەتىندەرىن ايتتى.

    پىكىر جازۋ

    Your email address will not be published. Required fields are marked *

    *