Senator sporttyń jastar densaýlyǵyna zııan tıgizip jatqanyn aıtty

Senat depýtaty Ǵalıaskar Sarybaev jas sportshylardyń densaýlyǵyna alańdaýshylyq bildirdi.

Ol depýtattyq saýalyn premer-mınıstr Álıhan Smaıylovqa joldady. Onyń aıtýynsha, búginde sport federaııalary óz betinshe ashylady ári respýblıkalyq birlestikterden oqshaý bolady. Sonyń saldarynan olardyń bapkerleri balalardy jattyǵýǵa tartyp, densaýlyǵyna zııan tıgizýi múmkin.

«Búginde elimizdegi jattyqtyrýshylar balalardy olardyń denesi fızıkalyq jáne psıhologııalyq turǵydan aýyr júktemelerge áli daıyn emes kezinen bastap, sportpen shuǵyldanýǵa tartýy úrdiske aınalyp ketti. Mundaı jaǵdaı ásirese jekpe-jek ónerinde keń taralǵan. Ol jas urpaqtyń densaýlyǵyna teris áser etedi», — dedi Ǵalıaskar Sarybaev Senattyń jalpy otyrysynda.

Depýtat buryn zańda balalar men jasóspirimderdiń jylyna qansha jarysqa qatysýyna bolatynyn retteıtin normalar bolǵanyn atap ótti.

«Qazirgi ýaqytta Qazaqstanda mundaı normalar qabyldanbaǵan. Osyndaı jaǵdaılar – federaııalardyń óz betimen ashylyp, jumys isteýdiń áseri. Elimizde bir ǵana karateden biz biletin 22, taekvondodan 6, aralas jekpe-jekten (MMA) 4 respýblıkalyq federaııa bar», — dedi Ǵalıasqar Sarybaev.

Senator osyǵan baılanysty balalar aǵzasynyń ereksheligin eskerip, tárbıe-jattyǵý ádistemesin daıyndaýdy usyndy.

Sondaı-aq ol kásibı sport klýbtaryn, barlyq sport túriniń sportshylaryn, sport túrleri federaııalaryndaǵy jattyqtyrýshylar men tóreshilerdi tirkeý keregin ári olardyń qyzmetin lıenzııalaý mańyzdy ekenin atap ótti.

Dáýren ERBOLAT,

ASTANA