پاراسپورتشىلار دۇنيەجۇزىلىك ويىنداردا 54 مەدال جەڭىپ الدى

پورتۋگاليانىڭ ۆيللي-رەال-دە-سانتو-انتونيو قالاسىندا IWAS-2022 دۇنيەجۇزىلىك ويىندار اياقتالدى. جارىسقا 34 ەلدەن 500 سپورتشى قاتىستى. بۇل تۋرالى دەنە مۇمكىندىگى شەكتەۋلى ادامدارعا ارنالعان سپورتتىق دايارلاۋ ورتالىعى حابارلادى.

قازاقستان اتىنان سپورتتىڭ ءۇش تۇرىنەن: پاراجەڭىل اتلەتيكا، ءپاراجۇزۋ جانە پاراپاۋەرليفتينگتەن 27 سپورتشى قاتىسىپ، 14 التىن، 20 كۇمىس جانە 20 قولا مەدال جەڭىپ الدى.
IWAS ويىندارى – بۇل مۇگەدەكتەر ارباسىنا تاڭىلعان جانە امپۋتاتسيا جاسالعان جاندارعا ارنالعان حالىقارالىق سپورت. دۇنيەجۇزىلىك ويىندار ءار ەكى جىل سايىن وتەدى.

IWAS ۇيىمىنا 73 مەملەكەت كىرەدى.

داستان كەنجالين،

استانا