SportPress.kz قازاقستان سپورت جاڭالىقتارى
«مانچەستەر يۋنايتەد» كلۋبى مەن انگليانىڭ ۇلتتىق قۇراماسىنىڭ بۇرىنعى ويىنشىسى ۋەين رۋني فرانتسيا كومانداسىنىڭ شابۋىلشىسى كيليان مباپپەگە «پاري سەن-جەرمەن» جاساعىنان كەتۋگە كەڭەس بەردى.
«مەنىڭ ويىمشا، كيليان مباپپە ءوز كلۋبىن تاستاپ، اعىلشىن پرەمەر-ليگاسىنىڭ كومانداسىنا اۋىسۋى كەرەك. «پسج» ءسوز جوق، ۇلكەن كلۋب. بىراق ول فرانتسيا چەمپيوناتىنىڭ شىڭىنا جەتتى. ەندى وعان باسقا كومانداعا كەتۋ كەرەك»، — دەدى رۋني.
ونىڭ ايتۋىنشا، مباپپە ليونەل مەسسي مەن كريشتيانۋ رونالدۋدىڭ دەڭگەيىنە جەتۋ ءۇشىن «مانچەستەر يۋنايتەدكە» نەمەسە ءمادريدتىڭ «رەال» كلۋبىنا اۋىسۋى كەرەك.
بۇعان دەيىن مباپپە «پاريج سەن-جەرمەنن» 2023 جىلدىڭ جاز ايلارىندا كەتكىسى كەلەتىنىن مالىمدەگەن بولاتىن. 23 جاستاعى فۋتبولشى فرانتسيادان كەتسەم، ايلىعى «پسج»-دان از بولسا دا مىقتى چەمپيوناتتا ويناۋعا كەلىسىمىمدى بەرەمىن، دەگەن ەدى.
«مۇنداي ۆاريانت بولسا قارسىلىعىم جوق»، — دەدى ول.
داستان كەنجالين،
استانا
