Мбаппе «Пари Сен-Жерменнен» кетуі мүмкін

«Манчестер Юнайтед» клубы мен Англияның ұлттық құрамасының бұрынғы ойыншысы Уэйн Руни Франция командасының шабуылшысы Килиан Мбаппеге «Пари Сен-Жермен» жасағынан кетуге кеңес берді.

«Менің ойымша, Килиан Мбаппе өз клубын тастап, ағылшын премьер-лигасының командасына ауысуы керек. «ПСЖ» сөз жоқ, үлкен клуб. Бірақ ол Франция чемпионатының шыңына жетті. Енді оған басқа командаға кету керек», — деді Руни.

Оның айтуынша,  Мбаппе Лионель Месси мен Криштиану Роналдудың деңгейіне жету үшін «Манчестер Юнайтедке» немесе Мадридтің «Реал» клубына ауысуы керек.

Бұған дейін Мбаппе «Париж Сен-Жерменн» 2023 жылдың жаз айларында кеткісі келетінін мәлімдеген болатын. 23 жастағы футболшы Франциядан кетсем, айлығы «ПСЖ»-дан аз болса да мықты чемпионатта ойнауға келісімімді беремін, деген еді.

«Мұндай вариант болса қарсылығым жоқ», — деді ол.

Дастан КЕНЖАЛИН,

АСТАНА